【義不容情】入行33年 周海媚不婚不育:因為我血小板過低!

深夜重播89年神劇《義不容情》,劇中周海媚飾演李華一角,感情路坎坷,同黃日華相戀但最終被對方悔婚,最後李華仲因為癱瘓而自殺。現實生活中,現年51歲的周海媚保養得宜,被封為「凍齡美魔女」,唔講唔知,周海媚的家世顯赫,祖先係滿族鑲白旗人,她早年更曾在訪問中自爆人到中年仍不婚不育的原因。

撰文:東方新地 圖片:新傳媒圖片庫、周海媚微博

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

周海媚 18歲入行

周海媚1985年參選港姐入行,期間演過多套經典劇集,如《流氓大亨》和《倚天屠龍記》等,直至1989年憑《義不容情》嘅李華一角一炮而紅,成為當紅花旦之一!

當年嫌棄雲姨寡母婆不肯施以援手的二叔李立(江毅飾)因生意失敗,無力照顧來港攻讀大學的女兒李華(周海媚飾),遂求助秀雲。秀雲最後答應收留李華。李華生性柔順害羞,加上她得知其父當年對秀雲一家態度惡劣,經常冒冒失失,令有健等啼笑皆非。

李華起初視細表哥丁有康(溫兆倫飾 )為白馬王子,常找機會親近他。有康則對她全無愛意。後來華發現被利用漸死心,後來被暗戀多時的大表哥丁有健(黃日華飾)感動及打動,二人相戀。

可惜最終二人臨結婚前,阿健發現李華因為他曾經坐過監,怕動搖信心才會趕結婚,結果健怕勉強華決定逃婚,最後華離開香港去大馬發展事業。

華發現最愛的人仍是健,決定返港,其時健已與倪楚君(劉嘉玲飾)相戀及談婚論嫁,李華傷心帶著父母再次離開香港,可惜該班機發生事故,父母雙亡,李華癱瘓,最後她在健和楚君結婚當日,自殺了結生命!

初入行第二部劇周海媚就在《流氓大亨》中飾演第三女主角,戲份僅次「Do姐」鄭裕玲和當時同樣係新人嘅劉嘉玲,不過劇中佢畀吳啟華欺騙感情,之後跳樓自殺,同《義不容情》一樣冇好下場。

周海媚
周海媚18歲入行,19歲時拍《流氓大亨》,外貌嫩口標緻,青春無敵。
周海媚
曾有傳當年仲係新人嘅劉嘉玲喺拍攝期間因遲到而激嬲Do姐,不過真兇原來係周海媚,當年佢開工遲到兩個鐘,令Do姐嬲爆,最終Do姐故意話去飲茶,要海味等番佢兩個鐘。
周海媚
《流氓大亨》中吳啟華飾演萬子失散多年嘅親細佬,為人見利忘義又玩弄周海媚感情,最終令對方跳樓自殺。

出身滿清八大姓氏

周海媚曾在一訪問中表示,雖然生於香港,但原來佢祖先係滿族鑲白旗人,於清朝當五品官,係廣東話事人,認真巴閉!而其真正姓氏係「瓜爾佳氏」,係滿族八大姓氏之一,當時好多後宮的有名妃嬪皆出於此姓氏,海味笑言,如果佢出生於清朝,可能真成妃子!

周海媚
周海媚18歲選港姐入行,當時雖然未能晉身決賽,但就加入咗當年嘅藝員訓練班,成為無綫藝員。

 

90年代起成TVB當家花旦,代表作包括《今生無悔》、《大鬧廣昌隆》、《天地豪情》等,參演1994年版的《倚天屠龍記》更被封「最美周芷若」。

周海媚
1994年周海媚飾演《倚天屠龍記》周芷若,成為佢其中一個代表作。
周海媚
1997年周海媚在《大鬧廣昌隆》飾演女鬼小芙蓉,人氣再度急升。
周海媚
周海媚04年移居北京,全力於內地專注演藝事業,到09年復出無綫拍《神鎗狙擊》,美貌不變。
周海媚
2014年周海媚在《武則天》飾演楊淑妃,古裝扮相豔壓群芳紅遍兩岸,而且保養得宜被封為美魔女,劇中佢晒出深長「事業線」,令不少網民嘩然。

曾「嫁」呂良偉

1988年,周海媚剛出道三年,尚未走紅,就與80年已因《上海灘》爆紅嘅呂良偉飛到美國拉斯維加斯秘密註冊結婚,但短短五個月後就因性格不合離婚收場,不過周海媚話後來先知兩人當時並未完成結婚手續,所以根本結唔成婚。90年周海媚拍《回到未嫁時》曾與黎明傳緋聞,更有指黎明曾介入佢同呂良偉婚姻。1994年,周海媚被指與游泳教練、演員林偉亮拍拖。1997年,周海媚到日本拍J-Phone廣告,有傳撻著人夫永瀨正敏,導致2002年永瀨正敏與老婆小泉今日子離婚。1998年,迪生集團執行董事伍士榮向周海媚展開追求,直至周海媚染上紅斑狼瘡症,兩人於1999年分手。2000年,周海媚被爆與曾任亞視助導嘅周家文展開姐弟戀並同居,但兩年後亦是分手收場。

周海媚
周海媚曾在88年與呂良偉秘密結婚,但之後因性格不合而分開。
周海媚
90年周海媚與黎明拍《回到未嫁時》曾傳出緋聞,更有指黎明介入佢同呂良偉婚姻。

後來,先後與集團董士伍士榮及導演周家文相戀,直到2004年終於穩定下來,與建築師男友移居北京,可惜二人拍拖12年後宣佈分手。對於感情的看法,她早年曾在內地接受媒體訪問稱:「婚姻不是我的歸宿,我只想在愛情路上奔跑。」

周海媚
有指周海媚曾與迪生集團執行董事伍士榮拍拖,後海味患上紅斑狼瘡症,導致兩人分手。
周海媚
周海媚

生B有生命危險

到2004年周海媚為建築師男友劉先生移居北京,兩人拍拖多年,但到2016年周海媚自爆兩人已分手。講到至今唔結婚唔生B,周海媚曾直言:「我係一個愛自由嘅人,唔鍾意俾人管,同埋我覺得冇需要結婚,況且我又唔想要小朋友。」其實周海媚本身非常鍾意小朋友,但不育原因佢自爆謂:「我十幾歲時發現天生血小板過低,醫生同我講,如果以後生育的話會有生命危險,會大出血。」所以海味老早就放棄生BB的念頭,改爲助養小朋友,多年來佢哋喺内地「希望之家」兒童福利院助養,甚至捐助小朋友做手術,將母愛獻俾有需要嘅兒童,一樣咁偉大!

周海媚
周海媚喺「希望之家」助養過好多兒童,知道有小朋友需要做手術,海味甚至會俾埋手術費及醫藥費,愛心爆棚!
周海媚
周海媚多年來都咁明艷照人,不時向粉絲派福利。

盤點鄭伊健8套經典無綫劇!同松松成最佳熒幕情侶

【2019無綫節目巡禮】13套重點劇集大晒冷

伊健激將法鞭策!蒙嘉慧甩廿磅肥肉復出

10位年過40歲女星猶如「凍齡」

【2018台慶】袁偉豪、黃智雯膺星馬雙料視帝、視后

大台4大「御用八婆」角色!令人想打爆電視…

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

15位男星童年照曝光 你又估到他是誰嗎?

延伸閱讀:

高海寧久違的性感 鬥中門大開陳敏之