胡慧冲上載面容憔悴自拍照 爆疑被落降頭 ：莫非我衰多口跟住對方知道懲罰我？

由「泰國通」胡慧冲（Roger）主持嘅J2旅遊節目《冲遊泰國》搜羅「泰」好玩 及好食新情報予觀眾，所以該系列相當受歡迎，而第9輯《冲遊泰國》亦正在熱播中，佢除咗非常勤力咁喺社交網站忙於出PO為節目做宣傳之外，喺前日（14日）仲出PO爆出自己懷疑被人落降頭。

喺前晚，胡慧冲於Facebook出PO爆出自己懷疑自己衰多口被人落降頭，佢上載一張面容憔悴嘅自拍照，並寫上：「我懷疑我俾人落咗降頭。真人真事但可能有機會我想多咗，不過夢境真係好實在，夢見泰國好好人帶了我去一個佛寺跟住給了一些東西我，夢境非常清楚而且同時間出現兩次！之後醒來成身骨痛又肚痾問過攝影個攝影話落降頭就唔係咁簡單啦⋯⋯之後到傍晚突然之間全身發冷回到風酒店房間熄咗冷氣都凍到好緊要，又肚痾心諗莫非我衰多口跟住對方知道懲罰我？幸好有香港醫生為我介紹了一些藥，酒店在蘇梅島替我買了之後足足3小時超級凍..之後開始而家熱番，在酒店房食少少嘢，希望今晚會好快啲好返，好好人係呢一科識落降頭都唔出奇可能大家真係有啲誤會，又或者可能我諗多咗，希望唔係。」

呢個PO一出，唔少圏中好友及網民紛紛留言叫佢保重及早日康復，至於佢係唔係被落降頭？有唔少網民都認為佢胡思亂想，可能只係工作太操勞導致身體不適。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！