芷珊約您丨陳慧琳自爆曾被搶獎 疫情期間肥20磅:我係咪就咁玩完?

芷珊約您丨陳慧琳曾被搶獎 自爆疫情期間肥20磅:我係咪就咁玩完?

黎芷珊主持嘅TVB紀錄式訪談節目《芷珊約您》昨晚(26日)播出第6集,邀請到樂壇天后陳慧琳(Kelly)作嘉賓,黎芷珊帶大家一齊到廣州直擊Kelly巡迴演唱會演出之餘,更與Kelly進行一場深度對話。

Kelly於去年9月開展世界巡迴演唱會,並挑戰多首快歌,Kelly直言唔擅長記舞步,於是成日喺屋企對住雪櫃練舞,又指換表演服裝都要練近百次;為求以最佳狀況演出,開騷前更加會閉關,又會喺兩日前封嘴,盡量保護把聲:「我咁辛苦,就係想喺台度畀最好嘅大家,要100%做到投入先得,爭8%都唔得。」相當高要求。Kelly亦於訪問中透露,原先巡迴演唱會係想喺2018年開展,不過當時遇上疫情只能選擇延期,嗰段期間就學唱歌,同時不停鞭策自己,不過佢就自爆疫情期間係佢最唔開心嘅日子:「我係咪就咁玩完?全世界係咪就咁玩完?一年一年咁過去,由四字頭變五字頭,我老喇!」,又直言當時肥足近20磅唔敢見人,更推掉工作邀請。

貴為一代天后,曾連續6年勇奪「亞太區最受歡迎香港女歌星」,Kelly坦言當年樂壇競爭激烈,曾試過大會洩漏風聲指佢會奪獎,但最後獲獎嘅卻係另一位女歌手:「記得有一次唔知邊個台,同唱片公司高層講係Kelly架喇,跟住後尾冇咗,咁梗係有人……唔知做乜啦,總之冇咗,我仲要安慰番唱片公司嘅人。」Kelly不時被指凍齡,佢就笑言可能因為自己平日瞓得好好,又指自己唔會太過著重得失,比起獎項更在意歌迷對作品嘅喜愛程度:「最緊要每一年你有幾多隻好歌,歌迷係鍾意,你hit到幾多隻歌出來,嗰個成績反而緊要過畀個獎你。」對於結婚後嘅事業發展,Kelly表示曾憂慮結婚生子後事業大不如前:「諗住結完婚生完仔,應該冇啦,喊晒咁走㗎嘛!生完一個再一個,啲人都仲OK喎,原來觀眾接受能力咁高。」被問及完成巡迴演唱會後會否買嘢獎勵自己,Kelly表示都鍾意買嘢獎勵自己,但唔係每次都會買好貴,咁多年最貴嘅係5位數字嘅Hermès Birkin手袋。對於囝囝嘅金錢觀念,Kelly笑指囝囝們好吝嗇:「總之超過100元嘅嘢就會話貴。佢哋要好平嘅。」

《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
《芷珊約您》截圖
陳慧琳 & 黎芷珊
陳慧琳 & 黎芷珊
陳慧琳 & 黎芷珊
陳慧琳 & 黎芷珊
陳慧琳 & 黎芷珊
陳慧琳 & 黎芷珊
陳慧琳
陳慧琳
陳慧琳
陳慧琳
陳慧琳
陳慧琳
陳慧琳
陳慧琳
陳慧琳
陳慧琳

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!