落選港姐何思懿轉戰TVB新聞部成新聞小花 被網民大讚外表高質

無綫新聞小花經常都會被網民熱烈討論，早前何思懿（Ceci）於TVB新聞台擔任實習記者採訪時，已被網民稱讚斯文及極具鄰家女孩感。近日，一班網民留意到何思懿已經從實習轉正，正式成為無綫新聞主播；而原來何思懿曾經於去年參選過香港小姐競選。

何思懿於去年參選香港小姐競選，當時被指人脈廣闊，積極參與不同嘅義工服務，又加入香港特區中央青年獅子會、清水灣獅子會等商會，同時又係太平山青年商會籌委會主席。何思懿身材姣好，於港姐泳裝環節成功搶焦點，同時多才多藝，中學時期已開始跳舞，拿手強項係鋼管舞，而佢就喺才藝環節表演性感熱舞，可惜20強止步；不過之後何思懿仍獲安排幕前演出機會，包括喺台慶與一眾女藝員及樊亦敏跳舞。何思懿畢業於香港恒生大學的新聞及傳播（榮譽）學士課程，當時參選時表示想做個有影響力嘅藝人，但估唔到佢最後都係做返與本科相關嘅工作，加入TVB新聞部，唔少網民都覺得何思懿外表質素唔錯，有望成為新一代新聞女神。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！