葡萄友：有錢大晒？ 4個曾被公開問價的女藝人

話說上個星期日莊思敏係微博話收到「100萬玩一晚」嘅邀請，點知過咗無耐又再有另一個網民向佢開出「1,000萬包夜」嘅飯局價，升價十倍添。不過其後原來佢細妹莊思明竟然收到同一個網民嘅「邀請」，仲開價200萬，咁佢見到當然就好嬲啦，仲係Instagram留言「我是用多少錢都買不到的，因為我不是一件玩具！」仲話呢啲錢無本事賺唔使再問佢。

經常一直有傳聞呢一類嘅「富豪飯局」，咁當��就唔係淨食飯咁簡單啦。雖然唔知道呢啲嘅問價係純粹惡作劇定抑或係真係其事，但對於女士們嚟講都好侮辱同唔尊重。但原來唔少女藝人都曾經有類似嘅經歷，一齊黎睇下：

袁嘉敏
係《鴨王》一戲中一脫令人嘩然，但似乎並無為佢帶黎星運。佢就指出曾經有向佢以四十萬以上問價，仲多次send露骨同有性器官嘅相畀佢，但佢就話「覺得開價嘅人唔會做安全措施，要冒好大嘅險。」下，竟然係諗呢一樣先，會唔會係咁呀。

李珊珊
1996年港姐冠軍嘅佢雖然已經淡出演藝圈，但原來佢亦都有收過「邀請」。佢曾經係微博上載有人send信息畀佢，聲稱有廣州富豪邀請佢出席私人飯局，仲以「飯局100萬」、「價錢很高」等做招徠。

湯怡
洪卓立女友湯怡拍拖多年關係穩定，但原來舊年佢都曾經有收過「伴遊」嘅邀請，仲指明係三日兩夜，舉動明顯。洪卓立其後幽默拆解之餘，仲同湯怡當係笑話一則咁睇。

林芊妤
Coffee年前嘅殘廁gathering事件都可謂經典，更加令到佢後來被大台解約，而家仲轉職為瑜珈導師。原來佢亦曾經已經收到電郵向佢「查詢」，但佢就話無論幾多錢都唔會咁做喎。