視障人士苦讀成調音師 回收維修鋼琴 收益作就業培訓

【Yahoo 新聞報道】家中鋼琴殘舊或損壞，不一定要丟棄。香港盲人輔導會設有調音服務及二手鋼琴回收計劃，由視障調音師檢查及維修，翻新後的二手鋼琴會低於市價出售。此計劃的收益會作視障人士作就業培訓之用。視障人士阿智因參加該會的培訓課程成為調音師，改變了人生，也為舊鋼琴賦予第二生命。

記者：Carmen C.

攝影記者：Davies

香港盲人輔導會2012年開展視障人士鋼琴調音師課程；2016年開展自負盈虧的「全港二手鋼琴回收計劃」，回收的二手鋼琴由視障人士協助維修、調音及清潔，為他們製造就業機會。

今年45歲的阿智是全失明的視障人士，「日頭定夜晚都要好畀心機先分到」。他從事調音工作只因「我真係好鍾意音樂」。他形容其生活「圍住音樂轉」，廿歲出頭之時自學結他，「接觸音樂係靠電視機、收音機，可能因為我自己無咗視力，聽到好聽嘅音樂我會好深刻，佢每一個細節我都會記落嚟」。雖然視障人士無法看樂譜，但「啲細節我將佢記喺腦入面，然後彈返出嚟」。

原本打算「讀按摩出嚟搵份工」

後來阿智得知盲人輔導會有調音師訓練課程，相當興奮，「我嗰時聽得好入神，覺得調音師呢個名好高貴」，盲人輔導會的姑娘向他介紹課程後，「未開班我都報定名先」。姑娘強調調音工作「好難」，亦無阻阿智的決心。他原本打算「讀按摩出嚟搵份工」，這個課程改變了他的人生。

調音試全班最高分「好似中六合彩」

阿智指出，視障人士普遍對音樂的感覺更強烈和敏感，但鋼琴調音工作難度遠超想像，

「以為鋼琴調音好似結他調音咁簡單，讀到中段真係有少少後悔......要揭開晒啲板、釘都有200幾口、要調音槌、音叉，啲嘢好亂」。但為了夢想，他繼續苦讀，最終在廣州通過調音試，在盲人輔導會調音培訓學員當中獲得最高分，「好似中咗六合彩一樣」。考試成功至今已屆十年，「而家就笑住講，但當時個心係有種無形壓力」。

阿智曾試過數個月沒有開工，「拆開部琴去研究我想知嘅嘢，就算今日無接到工作，我都會繼續鑽研，至少唔會嘥咗呢一日」。他指調音師也是學海無涯，「幾叻嘅調音師都好，啲嘢學唔晒。」

阿智自問要求高，連工具也要買最好的，「如果人哋啲琴好靚，但我拎把百零二百蚊嘅幫人整，又好似唔係幾好」，希望客人放心將鋼琴交給他。

除了檢查及維修回收得來的鋼琴，他有提供上門調音收費服務，「長洲我有去過、大嶼山又有去過，香港好多地方都已經去過調音」。阿智憶述曾遇過「太爛」的鋼琴，但客人表示不欲丟棄：「部琴係人哋送嘅禮物，你幫我整好佢啦」，他也盡力維修，「畀心機去幫佢做，客人開心對我哋嚟講都好重要」。亦有客人在調音期間不時前來觀看，不斷問「我部琴點呀？」原來之前曾有不少師傅上門，均未能成功調音，「多數師傅一打開部琴，扭一下就走咗去」。阿智指「個過程係難tune，但既然我已經到咗，唔可以話唔整」，最終成功把鋼琴調好音，「佢開心，我亦都有種滿足感」。

望視障調音師擁有自己事業

香港盲人輔導會職業支援及發展中心主任吳鎮潮指，過去有7至8名視障人士就讀該會的調音師課程，現時有三位視障調音師提供服務。經二手鋼琴回收計劃翻新後的二手鋼琴會放在市場，低於市價出售，並贈送兩次調音服務，「我哋中心就會出返糧畀調音師，希望可以為佢哋創造更多就業機會，希望啲客會keep住搵佢哋調音」。近年視障上門調音服務逐漸成熟，中心亦「放手」予調音師自行與客人溝通、預約調音時間等，「希望啲師傅可以自己擁有佢哋嘅事業」。

現時中心會在facebook專頁公佈二手鋼琴售賣詳情，吳指「有啲琴朝早一post就會畀人買咗，甚至一早有人留定某啲牌子嘅琴」。中心每年售出約20部鋼琴，「前排就多咗人話自己搬屋唔要部琴」。吳鎮潮透露，有家長會在子女初學鋼琴時選購二手琴，讓子女先行探索鋼琴樂趣，「啲細路仔係咪一路彈落去都有風險，買二手琴個風險就低啲」。除了將二手琴出售，部份款式的鋼琴亦會免費送予慈善團體。

吳續指，盲人輔導會的鋼琴回收服務與坊間大同小異，若市民有興趣將鋼琴交予香港盲人輔導會回收，可先聯絡該會，並提供鋼琴正面、側面及打開琴蓋後的照片，予職員了解鋼琴型號、外觀、新舊程度，以便評估回收機率。若鋼琴經評估後合適回收，中心會免費上門運走鋼琴（村屋或電梯未能直達地點除外），一般一星期內便可完成回收。

【全港二手鋼琴回收計劃】

https://www.facebook.com/pianorecycle

電話：3723 8361