謝安琪「胸」襲頒獎禮 劉青雲膺導演會影帝 爆老婆冇戲癮

歌手謝安琪前晚出席導演會頒獎禮，穿Deep V裝化身火辣人妻，全場最索！同場的劉青雲贏得「最佳男主角」，他笑言老婆郭藹明很享受現在的生活，沒有戲癮：「唔係我唔畀佢拍。」

「香港電影導演會周年晚宴暨年度頒獎典禮」前晚在尖沙咀舉行，劉青雲、張繼聰、謝安琪（Kay）、劉雅瑟、周秀娜、曾樂彤與衛詩雅等出席。身為人妻的Kay穿低胸裝最火辣，搶盡風頭。頒獎禮即場宣布各大獎項，電影《神探大戰》分別為劉青雲與韋家輝贏得「最佳男主角」及「最佳導演」，「最佳電影」則落在《給十九歲的我》，而張同祖獲頒「榮譽大獎」。

張繼聰作歌冧老婆

最近生日的Kay被問收到老公甚麼禮物？阿聰搶答：「大家成日畀個氹我踩，其實我寫咗首情歌畀老婆，但係我哋樂壇嘅地位差距好遠，心意就有，睇吓人哋領唔領情。」Kay大讚老公有心思，歌曲好聽及旋律感動。

青雲贏得導演會影帝，被指很大機會再膺金像獎影帝，他說：「係咪㗎？（有冇信心？）攞獎唔使信心，係拍戲先要信心，大家都知我紀錄啦。（點解唔帶太太郭藹明嚟？）我哋習慣單向出街，劉太慣咗深居簡出，工作交晒畀我啦。（佢有冇戲癮？）應該冇，佢好享受依家嘅生活，唔係我唔畀佢拍，我都覺得女性要有自己生活。」

《給十九歲的我》鬧出連串風波，導演張婉婷缺席，由監製黃慧與聯合導演郭偉倫領獎，黃慧表示：「喺風雨飄搖日子裏面，導演會頒呢個獎係好大驚喜，感受到電影業界係有擇善固執嘅人。」