謝東閔為場床戲唔見25磅

東方日報
·1 分鐘文章
歌唱比賽出身的謝東閔未來會專攻演戲,希望能做出成績。
歌唱比賽出身的謝東閔未來會專攻演戲,希望能做出成績。

入行10年的謝東閔(Brian)今年有多套劇集推出,於《殺手》中的冷血角色令人看到心寒,而熱播中的《香港愛情故事》,其藝術家角色則浪漫不羈,由造型到演戲方式都大有改變,相當新鮮。他笑說:「好多人話睇完《殺》見到我都驚,呢個係入行10年最鍾意嘅角色;《香》就好特別,題材貼地,角色感情複雜。」

已忘記女友出軌

事業得意,更獲提名「飛躍進步男藝員」獎,可是感情生活年初卻遇挫折,女友朱智賢被爆出軌,他說:「我已經放下,唔記得晒,過咗去就唔諗,人生無論事業、愛情都係不停學習。」

於《香》劇中,他背住女友與王敏奕撻着,有激情咀戲和床戲。性格向來慢熱、害羞的Brian說:「床戲唔算好激,只係意識啫,但拍時都尷尬,反而王敏奕仲放過我。」為了一場騷肌戲他更不惜花2個月時間減掉25磅,肥仔變帥哥,他說:「未減之前170幾磅,用生酮飲食法減到人生最瘦嘅148磅,效果好滿意,個樣削晒,化咗少少眼袋,加埋我最想要嘅鬍鬚,成個人好憔悴。」