謝霆鋒棄加籍網民鬧「40歲人至知係中國人?」謝賢解釋移民係怕寵壞仔女

謝霆鋒喺內地央視節目公開宣布已經入紙申請放棄加拿大國籍,喺內地傳出「限籍令」期間傳出呢個消息,簡直係十級震撼。

香港出世嘅霆鋒,8歲嗰年同父母謝賢狄波拉移民加拿大溫哥華,本身已經就讀名校喇沙嘅霆鋒,移民後都喺當地入讀著名男校St. Georges School,期間申請入籍加國。後來謝賢與狄波拉離婚,霆鋒跟隨回港,15歲去日本讀音樂,之後再簽約入行。

80年代移民潮,唔少香港藝人都因為前途問題而移居外地。謝霆鋒放棄加籍消息傳出後,網民反應兩極,有人認為以霆鋒嘅地位同實力,唔需為錢而「表忠」,咁做係發自真心;亦有人批評霆鋒「40歲人至知係中國人?」。當年霆鋒爸爸四哥謝賢移民嘅理由亦成為爭議點,於是有人搵返四哥早年接受訪問、剖白移民加拿大原因嘅片段。

謝霆鋒棄加籍︳謝賢解釋移民原因︰怕寵壞仔女
謝霆鋒棄加籍︳謝賢解釋移民原因︰怕寵壞仔女
謝霆鋒棄加籍︳謝賢解釋移民原因︰怕寵壞仔女
謝霆鋒棄加籍︳謝賢解釋移民原因︰怕寵壞仔女

節目入面四哥提到,當年佢同拉姑結婚之後仍然拍戲,到霆鋒同妹妹謝婷婷分別8歲同6歲嗰年,四哥驚覺如果留喺香港,仔女會因為父母係藝人而得到優待,會被人縱壞,於是決定換個環境舉家移民。

霆鋒宣布放棄加籍之後,四哥受訪時表示唔知情,但係作為爸爸會支持。據知現時霆鋒已經入紙申請,暫時未知最後結果。根據加拿大政府網頁資料,本身有其他國籍的18歲以上、居於海外的加國公民,都有權申請放棄國籍,申請處理時間大約係半年。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!