鄭秀文演唱會｜攬實《填詞魂》謝雅兒給力 Sammi 暖心鼓勵：希望你盡情展現自己

鄭秀文（Sammi）演唱會日前（17日）第五場，Sammi邀請金像獎「最佳原唱歌曲」《填詞魂》作曲兼主唱謝雅兒任嘉賓。

Sammi身穿Monica Ivena 香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞皮！唔使驚，大家都會支持你，每個人都有做過新人嘅階段，每個人都需要被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。

之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。

到昨晚（19日）第六場演唱會，Sammi昨晚又換新裝，她穿著 Robert Wun Couture特別訂造的紫色長裙，介紹表演嘉賓鄧麗欣（Stephy）出場合唱《親密關係》，唱畢Sammi笑指Stephy新封號，說：「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。Sammi拿出禮物盒，說：「平時係嘉賓送禮物畀我，但我今日有嘢送畀你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈，還即場替Stephy戴上，說：「係咪好有心思？我親手揀、親手串，搞成晚架啦！」Stepy好欣賞，說：「中間有窿嗰啲特別好食架！」Sammi鼓勵她：「聽講你復出唱返歌，大家畀多啲掌聲！」然後Stephy演唱《不要離我太遠》。