鍾嘉欣與網民合照獲讚隨和又靚女 雙手大粒鑽戒惹關注：嫁了個好老公

鍾嘉欣（Linda）與脊醫Jeremy Leung於2015年結婚，先後誕下兩女一子，並喺加拿大定居，減少拍劇以專心照顧家庭。人氣依舊嘅佢不時被網民偶遇，將合照上載到社交網站，最近又有網民成功捕獲鍾嘉欣，並分享合照到小紅書，並大讚佢隨和又靚女。

前年鍾嘉欣曾被指喺溫哥華服裝店拒絕與網民合照，感覺一啲都唔親民，直言和電視嘅形象唔同，鍾嘉欣因而被指係雙面人。之後，有網民分享與鍾嘉欣嘅合照，大讚素顏狀態下仍願意合照相當親民，間接為事件作出平反。最近又有網民成功捕獲鍾嘉欣，並分享合照到小紅書，並留言話：「偶遇鍾嘉欣，她人隨和又靚女！」相片中嘅嘉欣化上淡妝及打扮低調，著上啡色長袖絨面襯衫，以白色高領上衣作為內搭，而下身就著上牛仔褲。唔少網民睇完合照後都紛紛留言大讚佢保養得宜，例如「哇哇哇，感覺一點都沒長變」、「還是這麼好看！」及「美女美女！」等等。另外，亦有唔少網民眼利網民見到嘉欣雙手嘅大大粒鑽戒，紛紛留言指、「嫁了個好老公」、「婚姻生活很幸福喔」及「戒指太吸引眼球了」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！