陳冠希舊愛Cammi與網民大玩你問我答 自爆賺錢5大途徑

陳冠希舊愛謝熙婷Cammi（前名謝芷蕙）五官外貌進化及P圖卓著技巧一向成為網民討論話題；除此之外，Cammi嘅奢華生活引發唔少網民嘅好奇心，事關佢淡出娛樂圈後生活過得愈來愈富裕，經常於社交平台分享出入高級餐廳及酒店、周遊列國及大曬名牌手袋嘅照片，富貴生活令人羡慕，亦令人好奇佢嘅收入來源。

公屋出身嘅Cammi曾於2013年與內地富二代Jayden熱戀，男方曾打本予Cammi做網上時裝生意；Cammi於2022年搬進月租4萬元尖沙咀豪宅，不過早前佢就自爆已搬到上海居住，又分享上海屋企嘅照片，包括放滿衣服及名牌手袋嘅衣櫃。早前，Cammi與網民大玩Q&A，有網民問到點解住上海，Cammi就回應指係因工作關係，節省香港上海來回機票錢：「為咗慳錢，這邊常有拍攝，每個月飛幾轉來回酒店機票，不如在這裹租個房子，性價比高，也不用跑來跑去」有網民亦直接提問Cammi啲錢係點賺返嚟，佢就大方回答收入來源：「我的收入一般是直播、廣告、一點小投資，還有一間養生館在中環、股票，真的好難哎。」其實，Cammi亦曾於過去與網民玩Q&A期間，提到自己擁有10多個Hermès手袋，又指自己其實有工作：「有工作啊，只是我的工作不是朝九晚五，你們看不到（而）已。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！