雅虎香港新聞 
陳宥維時裝Look靚仔到暈 網民：差啲走漏眼！
內地綜藝節目《偶像練習生》第二季正式改名為《青春有你》，當中有不少已出道藝人參加，其中更有透過宮鬥劇《延禧攻略》大增知名度的五阿哥陳宥維！不過，原來五阿哥於時裝look是非常靚仔！
撰文：東方新地｜圖片來源：陳宥維微博
延伸閱讀：
陳宥維時裝Look靚仔到暈
20歲的陳宥維，在2016年首次在萬人選秀中亮相，後來被公司安排在綜藝節目《超次元偶像》中演出，不論演技、歌舞都有一定訓練。而陳宥維在《延禧攻略》中飾演五阿哥永琪，在大熱劇集的加持下，更成功為人所認知！
後來，陳宥維亦在網劇《雙世寵妃2》累積一群CP粉絲，令他的知名度急升。
雖然消息這樣流出，但因為陳宥維已經有一定的粉絲，加上他接的劇集眾多，不少網民都不相信他會加入《青春有你》，同時網民亦擔心這類節目會令他由實力派轉為偶像派！
不過當中最能肯定的，是時裝版跟古裝版的五阿哥反差真的讓人目定口呆，非常有魅力！
《延禧》7位靚女演員新作一覽
《延禧攻略》播出後紅遍兩岸三地，劇集高潮迭起，睇得一眾觀眾們非常投入。不過，劇集始終都要曲終人散，香港明晚就會播出大結局，相信唔少劇迷都好唔捨得！因此，今次就同大家預覽劇中一班靚女演員嘅最新作品及動向，等大家可以繼續煲各演員嘅新劇！
｜佘詩曼
劇中唯一一位大家熟識嘅香港演員佘詩曼離開大台後，就成功已經打入內地市場，今次嫻妃一角阿佘嘅演技大獲觀眾激讚，更令佢於內地人氣再度上升！
阿佘於劇中利用自己善良嘅外表欺騙所有人，一舉一動更盡現著攝人嘅強大氣場！
阿佘演技多元化，而近年亦主力拍攝電影作品，除咗喺《黃金兄弟》特別演出外，嚟梗仲有待上映嘅《西伯利亞風雲》同客串嘅《死亡通知單：暗黑者》，有興趣就入場支持下阿佘啦！
｜秦嵐
《延》中嘅富察皇后受歡迎程度非常之高，大家除咗欣賞秦嵐嘅演技外，同時唔少女士亦都非常羨慕佢嘅白到反光嘅肌膚！
原來秦嵐仲有好多電視劇未播出，包括《外八行》、《填四川》、《萬水千山總是情》及《夜空中最閃亮的星》，大家要耐心等待幾時播出啦！
｜吳謹言
《延》嘅女主角吳謹言因此劇而爆紅，戲裡戲外都風波不斷，成功登上人氣榜首之一！
吳謹言於原班人馬開拍嘅古裝劇《皓鑭傳》中飾演秦始皇的母親趙姬，並會與《延》演乾隆嘅聶遠再次成為虐心CP，故令人相當期待！
除咗《皓鑭傳》，吳謹言今年仲有演出劇集《外灘的鐘聲》、《朝歌》、《十里洋場拾年花》、《你是我的答案》，而電影亦有《無問西東》及《說走就走之不說再見》。
｜譚卓
譚卓於《延》飾嘅高貴妃雖然非常令人乞人憎，不過同時亦證明佢成功演繹出該角嘅性格！
譚卓今年會跟同吳謹言再度合作，於《皓鑭傳》演出華陽夫人一角，值得期待！
｜蘇青
《延禧》中演出爾晴嘅瘋狂惡毒嘅神態，令唔少觀眾邊睇就邊痛鬧呢位毒婦！不過，可以令觀眾睇得投入，相信大家都肯定佢嘅演技！
今年蘇青仲有嘅劇集有《那些年，我們正年輕》、《斗破蒼穹》，同仍未播出嘅《我不是特工》、《天龍八部》等劇集。
｜姜梓新
23歲嘅姜梓新雖然最近就爆出佢嘅同性戀傳聞，但仍無阻大家對佢嘅支持！
姜梓新今年仍有一齣劇集《新笑傲江湖》，飾演小師妹岳靈珊一角。
｜張嘉倪
《延》中被內地網民形容為「最美奸妃」嘅順嬪張嘉倪入行多年，亦已係兩個小朋友嘅媽咪，其拍攝嘅作品亦甚有口碑！
張嘉倪今年就有《溫暖的弦》，而她主演的劇集《頭牌》就有待播出。
延伸閱讀：
