隱形戰隊|劉穎鏇集集小背心上陣惹網民批用身材做戲:演技有時差啲

隱形戰隊|劉穎鏇集集小背心上陣惹網民批用身材做戲:演技差啲
隱形戰隊|劉穎鏇集集小背心上陣惹網民批用身材做戲:演技差啲

劉穎鏇(Tiffany)為2016年香港小姐亞軍及最上鏡小姐,去年憑《超能使者》Open姐一角擺脫乖乖女形象,更因一幕水著造型被大讚擁有「最強Body」。劉穎鏇於熱播劇《隱形戰隊》中飾演反恐特勤隊唯一女隊員刑風,網民留意到劉穎鏇集集都以貼身小背心上鏡,露出傲人上圍與結實腹肌,但就批評佢未演到嗰份打女型格。不過,劉穎鏇近年已成為當紅監製文偉鴻Jazz嘅御用女角,監製除咗繼續起用劉穎鏇擔任已開拍嘅《奪命提示》要角,亦曾公開大讚見到劉穎鏇有團肯拚搏嘅火。

上周五(24日)《隱形戰隊》播出第15集,講述劉穎鏇與劉佩玥被安排做臥底,到模特兒公司扮被迷暈混進被拐少女群,以救出一班被捉走嘅少女及瓦解整個拐賣少女集團。二人混到少女藏身之處,卻因其中一名少女而意外暴露身份,比原先計劃提早與12名恐怖份子開火,帶住一班女仔喺槍林彈雨下逃生。而呢場戲中,劉穎鏇喺打鬥過程將外套除掉以反牽制對手,變相剩下一件白色小背心繼續打,配合高炒鏡頭,豐滿上圍盡現。

劉穎鏇今次為咗劇中角色喺3個月內成功操出女性10%極限體脂,有網民就發現劉穎鏇每集均以唔同顏色小背心亮相,劇集播出至今,起碼已有接近10個鮮艷顏色背心造型,更有穿著貼身衫跑步嘅戲份,引起網民熱議。網民大讚劉穎鏇有樣有身材,肌肉線條好fit,但就有網民直指佢演技未夠班:「如果講外型真係冇得輸,不過演技有時差啲」、「這身材我沒辦法認真看戲」、「如果著密實更可發揮演技,用身材去做戲可以好耐咩,耐咗看膩了」、「如果說對白時,更自然點就更好看了,加油,未來可期,新一代打女」、「可惜最討厭聽她說那充滿R的卷舌腔」等等。

《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《隱形戰隊》截圖
《超能使者》截圖
《超能使者》截圖
《超能使者》截圖
《超能使者》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!