雪姨盆菜事件後上水宣傳個人投資專欄？IG出PO解釋…

YouTuber雪姨2022年曾將酒店與茶餐廳嘅迷你盆菜拍片作比較，惹嚟公關災難，即使兩度發文道歉仍未獲網民接納，更令有份主辦嘅新年市集出現退租潮。盆菜事件一個月後，雪姨再次出片教人斷捨離，但充斥住一大堆負評，之後雪姨就開始淡出YouTube，僅於IG分享生活日常。事隔一年，有網民發現雪姨疑似有新搞作，表示見到雪姨喺Facebook落廣告宣傳個人投資專欄。

雪姨喺廣告帖文中首先向大家致歉，表示帶最真誠歎意回饋粉絲，以感謝粉絲對佢嘅嘅不離不棄；再指自己賣過渦輪及化妝品等，白手起家所以儲落唔少投資心得，著大家入Whatsapp群組，唔少網民都留言叫雪姨唔好再呃觀眾，極力抵制佢復出。然而，雪姨曾經喺IG分享投資分析，又曾拍片分享致富之道，所以有部份網民將雪姨個人投資專欄信以為真。雪姨喺IG出PO澄清表示該FB專頁並唔係佢，又指好多財經界人士兩星期前已經被人偷相開假專頁：「重申： 本人無開過任何投資專欄 係假㗎 千祈唔好信 如果大家喺Facebook同埋IG見到呢啲假嘅投資專頁 麻煩幫手report 謝謝」，網民仲留言指騙徒手法，層出不窮。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！