電影LOL︳等足16年 The Rock演DC霸氣反派Black Adam 預告片登場

荷里活大隻佬The Rock(Dwyane Johnson)絕對係一線巨星,但係點解佢開到聲想做一個角色,要等足16年?

是咁的,DC漫畫入面,有位反派叫Black Adam,生於5千年前,係一個神秘國度嘅奴隸,死咗之後得到巫師沙贊賜予法力而復活。然後嚟到現代,少年Billy同樣得到沙贊嘅力量,亦同時喚醒埋Black Adam。

話說喺2006年,DC敲定開拍《沙贊》,而The Rock就向電影公司自薦想演Black Adam,但係呢個PROJECT無咗下文。到2014年,華納同DC開始傾一系列電影同MARVEL抗衡,The Rock向外界回應依然對角色念念不忘,果然必有迴響,華納真係搵The Rock喺《沙贊》演Black Adam。不過呢壇嘢擺埋2年後,華納決定將沙贊同Black Adam 2個角色分成2套戲嚟拍。

到底Black Adam幾時出場,之前都傳過N次,結果喺《沙贊》只係以holography形式出現;又有傳2018年嘅《自殺特攻》會見到,結果條橋被ban。到2018年Black Adam電影劇本寫好,The Rock又接咗2套戲要拍,到2020年7月先開鏡,然後都係嗰句「因為疫情影響」而延期到舊年4月先拍,終於7月煞科,今年10月上畫。足足搞咗16年先拍得成睇得到!

DC早2日釋出Black Adam預告片,見到戲中Black Adam霸氣十足,金句包括「英雄唔殺人…但係我會」、「而家我唔會向人下跪」,仲會同戰鬥機同步飛行兼一嘢轟爆機翼,型到喊。fans睇完已經收貨,仲話Black Adam足以拯救成個DC漫畫英雄宇宙!

更多電影文章

電影LOL.今期睇咩戲︳如果30歲還是處男,似乎就能成為魔法師/黑殺潛行/ 唐頓莊園:全新世代/聲夢戀歌

電影LOL︳《小丑》續集在望!編劇post 2張相令影迷立即醒神

電影LOL︳添布頓首拍網劇 《愛登士家庭》新版阿女做主角

電影LOL︳8年前開始拍 七大香港導演合拍鉅作《七人樂隊》7月底上映

電影LOL︳荷里活怪獸級新人 Rachel Zegler做完白雪公主再拍《飢餓遊戲》前傳

電影LOL︳畢列谷巴再次自導自演 新片Maestro演傳奇作曲家後生做到老

電影LOL︳康城影展 湯唯IU「失落」影后寶座 未必因為演技 同規則有關?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能