電影LOL︳畢列谷巴再次自導自演 新片Maestro演傳奇作曲家後生做到老

畢列谷巴(Bradley Cooper)繼《星夢情深》相隔4年後再執導演筒,自編自導自演傳記電影Maestro,剛剛公開首輪劇照及現場花絮。電影講述《夢斷西城》傳奇作曲家Leonard Bernstein嘅生平,音樂成就以外,Leonard與妻子Felicia Montealegre(《超犀女王》Carey Mulligan飾演)長達25年嘅婚姻生活,亦係電影主要骨幹。

Bradley Cooper年頭與金像男星Mahershala Ali為Variety進行對談時,提到大導演史提芬史匹堡4年前搵佢主演Maestro。佢當時剛剛完成《星夢情深》,唔想只做幕前演出,希望繼續執導及撰寫劇本,所以向大導提出俾佢參與創作。最後因為史匹堡忙於其他電影,無閑顧及Maestro而將成個project交俾Bradley Cooper,自己退居監制一職。

席間Bradley提到自己自小有個指揮家夢,雖然未能成為指揮家,不過可以飾演傳奇音樂家Leonard Bernstein算係完成夢想!Maestro故事橫跨Leonard生平幾十年,由後生演到老,Bradley Cooper又要演又要導,公佈嘅劇照見佢著住戲服掌鏡,轉頭又要去返鏡頭前演戲,認真忙碌!

現實中Leonard Bernstein與影星妻子Felicia 關係複雜。Leonard早期隱瞞自己同性戀,與Felicia婚後育有3個仔女,後來唔想再隱瞞而離婚,不過得知Felicia患病後,Leonard重回Felicia身邊貼身照顧。Carey Mulligan飾演嘅Felicia都唔易演,相知相戀多年,要面對丈夫中途轉性,由情人家人變知己閏蜜,心胸細啲都搞唔掂。

劇照當中仲有Bradley扮演嘅老年Leonard ,靠特技化妝幫手易容,差啲認唔出滿頭白髮嘅老人家係Bradley Cooper!電影仍然拍攝中,出品方Netflix高層Scott Stuber大讚Bradley Cooper同Carey Mulligan係優秀演員,又大sell電影落重本做特效化妝及演出音效,戲未拍完已經開始造勢!

人物傳記片,尤其係「易容級」演法,向來受奧斯卡青睞,加上Cooper處男執導《星夢情深》全球票房大收4億3600萬美元,又獲得奧斯卡最佳電影、最佳男主角及最佳改編劇本等多項提名,難怪Netflix對Cooper二次執導作品Maestro寄予厚望。

更多電影文章

電影LOL.今期睇咩戲︳壯志凌雲:獨行俠/犯罪都市:極拳執法/不要忘記我愛你/總理之夫/壞蛋聯盟

電影LOL︳康城影展 湯唯IU「失落」影后寶座 未必因為演技 同規則有關?

電影LOL︳貓王傳記片打破家屬例必唔撐定律 男主角入戲太深拍完入醫院

電影LOL︳IU做媽媽 日本導演是枝裕和拍韓片《孩子轉運站》 棄嬰收集箱引發的人情故事

電影LOL︳好笑得嚟幾得人驚 《雷神奇俠4:愛與雷霆》預告片出爐

電影LOL︳情色經典《艾曼紐》拍新版 邦女郎Léa Seydoux挑戰大膽性愛場面

電影LOL︳又係Margot Robbie! 《盜海豪情》新篇又有「小丑女」

電影LOL︳居然係律師喜劇?《變形俠醫》分支劇She-Hulk預告曝光

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能