電影LOL︳又係Margot Robbie! 《盜海豪情》新篇又有「小丑女」

周圍都係…周圍都係…小編都估唔到今個禮拜要寫2篇「小丑女」Margot Robbie嘅新聞!

外媒Hollywood Reporter報導,片商華納正在籌備拍新一套《盜海豪情》電影,而電影主角將會係灸手可熱嘅Margot Robbie,仲會同老公Tom Ackerly擔任埋監製。

《盜海豪情》(Ocean’s Eleven)本身係1960年作品,2001年華納搵導演Steven Soderbergh翻拍,以明快嘅節奏同埋佐治古尼、畢彼特、麥迪文等星級卡士吸引觀眾,全球大收4億5千萬。其後仲喺2004同2007年拍多2集,到2018年就換上8位女角拍出Ocean’s 8。咁多集都係賣座保證,對於故事同創意都乾塘嘅荷里活,自然打佢主意。

據報導,《盜海豪情》新篇唔會係前4套嘅延續,時間設定將會係60年代嘅歐洲。導演人選亦會變成《非常外父》同《非常凸務》系列嘅Jay Roach,佢同Margot Robbie之前合作過《爆炸性醜聞》,仲令「小丑女」憑該片獲提名奧斯卡最佳女配角。呢個project暫時未開綠燈,但消息人士話應該會下年春季開鏡。

為免又要再三寫Margot Robbie,喺呢篇順帶一提同樣係今日收到嘅新料︰Margot Robbie主演嘅Barbie真人版電影又有大星加入,女歌手Dua Lipa將會有份演出,而家所知嘅主角包括Ryan Gosling、Will Ferrell、劉思慕、《小婦人》嘅Saoirse Ronan等,而且盛傳劉思慕、Ryan Gosling同Netflix劇Sex Education嘅黑人男星Ncuti Gatwa都係飾演Ken。聽落套戲越整越瘋狂!

更多電影文章

電影LOL.今期睇咩戲︳奇異女俠玩救宇宙/魔比煞/誰和誰共母/肉罷不能/伊朗式英雄/劇場版 咒術迴戰 0

電影LOL︳居然係律師喜劇?《變形俠醫》分支劇She-Hulk預告曝光

電影LOL︳改編泰國少年足球隊洞穴拯救事件 新片Thirteen Lives 改放Amazon Prime上架

電影LOL︳《魔盜王6》搵小丑女Margot Robbie主演? 監製爆︰劇本預佢一份

電影LOL︳性侵醜聞5年後 Kevin Spacey復出拍古裝大片

電影LOL︳Adam Sandler新片演活NBA球探血淚史《籃兒當搏盡》6月上架

電影LOL︳《阿凡達2》預告片正式曝光 下一代唔係藍皮膚?

電影LOL︳《自殺特攻》翻生成功 衍生網劇以幕後大腦Amanda做主角

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能