電影LOL︳性侵醜聞5年後 Kevin Spacey復出拍古裝大片

奧斯卡頒獎禮當晚,Will Smith上台打Chris Rock備受指責,唔少新片都要hold住。花生友都想知,究竟Will Smith因為呢件事要「抖」幾耐?而家有個參考數字啦︰5年。

2017年因為捲入多宗性侵醜聞嘅影帝Kevin Spacey,原來已經暗中復出,將會為一套古裝大片演出。

當時Kevin Spacey被指涉及十幾宗同男性有關嘅性侵事件,部份牽涉未成年人,後來甚至被落案起訴,但法庭判佢無罪。雖則如此,當時Kevin Spacey主演嘅All the Money in the World,被導演烈尼史葛狠狠易角剪走所有戲份,上畫前一個月搵老戲骨Christopher Plummer頂上,8日內拍起22場戲!當然仲有連主演嘅《紙牌屋》都被叮走。

有消息話,Kevin Spacey將會參演十月會喺蒙古開拍、由英國、匈牙利及蒙古合資嘅古裝大片1242。套戲以成吉思汗個孫拔都西征故事為背景,1242年拔都打到去匈牙利,但係未能成功。呢一仗亦係拔都走下坡嘅開端。而Kevin Spacey片中會飾演教宗嘅特使。

舊年Kevin Spacey已經參與意大利導演Franco Nero 新片The Man Who Drew God,不過只係做個閒角。另外亦有傳佢演出另一套戲Peter Five Eight,但未能證實。

幾套戲都唔係荷里活大片,可能Kevin Spacey都明白洗底唔容易,倒不如出國搵食好過。捲入咁大件事,5年後先有工開,Will Smith你可能都係抖抖先啦。

更多電影文章

電影LOL.今期睇咩戲︳奇異博士2:失控多元宇宙/屁屁偵探電影/絕頂好腦細

電影LOL︳Adam Sandler新片演活NBA球探血淚史《籃兒當搏盡》6月上架

電影LOL︳《阿凡達2》預告片正式曝光 下一代唔係藍皮膚?

電影LOL︳《自殺特攻》翻生成功 衍生網劇以幕後大腦Amanda做主角

電影LOL︳超人個friend DC新超級英雄電影The Wonder Twins 開鏡前突然停拍

電影LOL︳《狂野時速10》極速搵到導演頂上 林詣彬劈炮因為頂唔順雲狄素

電影LOL︳荷里活影視巡禮CinemaCon新片大晒冷 Barbie、殺神John Wick 4下年上畫

電影LOL︳《狂野時速》第10集開機一周後 導演林詣彬突然劈炮

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能