電影LOL︳《自殺特攻》翻生成功 衍生網劇以幕後大腦Amanda做主角

DC電影近年不停reboot,好彩重拍表現良好!2016年《自殺特攻》有齊Jared Leto、Maggot Robbie同Will Smith,點知雷聲大雨點小,被詬病情節混亂、故事空洞!事隔短短5年華納重拍《自殺特攻》,今次搵啱導演出手,由James Gunn執導嘅《自》簡直起死回生,好笑、言之有物,娛樂十足!

James Gunn版本大受歡迎,即刻添食再執導由John Cena主演嘅衍生劇集《和平使者》(Peacemaker),第一季收視理想確定會推出第2季!據外媒The Variety報導,華納將會再推多一套《自》衍生劇,主角唔係可愛嘅鯊魚王或者血拳,而係唔駛落場打剩係用腦嘅政府高層Amanda Waller!

由Viola Davis飾演Amanda Waller喺電影中戲份唔算多,不過無佢就一定無「自殺特攻」,角色有關鍵作用。其實《和平使者》埋咗伏筆對其角色有更多作墨,首季大結局就以Waller女兒兼間諜Adebayo (Danielle Brooks飾演)公開大爆母親暗地集結「自殺特攻」,以Amanda短暫過鏡作結!

可以預視第2季嘅《和平使者》會見到更多Amanda,不過估唔到會推出獨立外傳劇。劇集將由Watchmen編劇Christal Henry執筆,聯同James Gunn監製,而Viola Davis主演之外,亦有意出任監製一職。

Viola Davis憑《藍調天后》、《寫出友共嗚》等獲4次提名奧斯卡,憑《逍遙法外》(How to Get Away with Murder)成為艾美獎視后,最新作品於Showtime 劇本The First Lady中飾演前總統夫人Michelle Obama,演技實力無容置疑,由佢擔綱嘅Amanda Waller,無超能力、無超凡格鬥技,將會帶領DC擴展宇宙(DCEU)去到更高層次?

更多電影文章

電影LOL.今期睇咩戲︳奇異博士2:失控多元宇宙/屁屁偵探電影/絕頂好腦細

電影LOL︳超人個friend DC新超級英雄電影The Wonder Twins 開鏡前突然停拍

電影LOL︳《狂野時速10》極速搵到導演頂上 林詣彬劈炮因為頂唔順雲狄素

電影LOL︳荷里活影視巡禮CinemaCon新片大晒冷 Barbie、殺神John Wick 4下年上畫

電影LOL︳《狂野時速》第10集開機一周後 導演林詣彬突然劈炮

電影LOL︳標梅利涉不當事件 新片拍到一半停機調查 多年臭史被揭 試過掟女製片落湖!

電影LOL︳玩具車仔Hot Wheels拍大電影 會唔會搞出玩具元宇宙?

電影LOL︳巧合?Will Smith掌摑事件後 再有新作計劃叫停 都係話唔關打人事?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能