電影LOL︳《阿凡達2》預告片正式曝光 下一代唔係藍皮膚？

等足13年，全球最賣座電影《阿凡達》嘅續集The Way of Water早前終於確定今年底上畫。有映期唔夠嘅，大家都想知搞足咁多年，畫面可以有幾靚？預告片上個月喺影壇大event CinemaCon首播，而剛剛喺北美地區放映嘅《奇異博士2︰失控多元宇宙》，播片前亦會安排呢套預告片俾影迷先睹為快。今日迪士尼終於將The Way of Water預告片放上網。

上集以身體殘障退伍軍人Jake，透過分身成為Pandora 星球上的Na’vi人，並遇上一生摯愛Neytiri。今集故事講述Jake留喺Pandora同Neytiri組織家庭，但係再次遇上人類的侵略，Jake要連同Na’vi人保衛家園。叫得The Way of Water，戲入面當然有好多水底畫面，試諗下如果喺IMAX銀幕度欣賞，應該好壯麗！預告入面見到應該係Jake同Neytiri嘅小朋友，其中一個並唔係Na’vi人咁藍色膚色。會唔會有咩玄機？

睇《阿凡達》唔多唔少都係因為視覺享受，今集仲加入唔少星級陣容，包括《異形》薛歌妮韋花、楊紫瓊、琦溫斯莉等。

更多電影文章

電影LOL．今期睇咩戲︳奇異博士2：失控多元宇宙／屁屁偵探電影／絕頂好腦細

電影LOL︳《自殺特攻》翻生成功 衍生網劇以幕後大腦Amanda做主角

電影LOL︳超人個friend DC新超級英雄電影The Wonder Twins 開鏡前突然停拍

電影LOL︳《狂野時速10》極速搵到導演頂上 林詣彬劈炮因為頂唔順雲狄素

電影LOL︳荷里活影視巡禮CinemaCon新片大晒冷 Barbie、殺神John Wick 4下年上畫

電影LOL︳《狂野時速》第10集開機一周後 導演林詣彬突然劈炮

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載