電影LOL︳居然係律師喜劇?《變形俠醫》分支劇She-Hulk預告曝光

Marvel嘅超級英雄宇宙(MCU)越發越大,睇戲之餘唔該大家煲埋劇,先至睇得明成個人物網絡。今日Marvel就推出新劇She-Hulk:Attorney at Law預告片。

本來係咁
本來係咁

顧名思義,劇集係由《變形俠醫》衍生而成,女主角Jennifer Walters係Bruce Banner嘅表妹,做律師嘅佢因為接受表哥輸血,結果連發嬲就變身嘅異能都照單全收。Jennifer Walters會唔會成為另一位超級英雌真係睇完劇先知,但據官方消息,Marvel老細Kevin Feige 話She-Hulk係一套……律師喜劇?!

輸血後搞成咁
輸血後搞成咁
梗係要有表哥出場
梗係要有表哥出場

睇預告又真係幾多笑位,例如上交友app溝仔,帶返屋企之後,竟然係She-Hulk公主抱個男人入房。諗落,靚女律師隨時變綠,又真係幾多gag位可以玩。另一個意想不到嘅點,係套劇半個鐘一集,9集完,即使唔係Marvel死忠fans,都可以輕輕鬆鬆當Drop Dead Diva呢類律師劇咁煲。

香唔香艷先
香唔香艷先

既然係《變形俠醫》嘅外傳,飾演Hulk嘅Mark Ruffalo當然有份,仲有《新變形俠醫》嘅Abomination(Tim Roth)。女主角就由Tatiana Maslany擔當。

史力加老婆?
史力加老婆?

She-Hulk 8月17號喺Disney+正式上架。題外話,預告片出街前幾日,Disney+「意外」流出劇集上架日期同劇情……乜咁「大意」呀?

更多電影文章

電影LOL.今期睇咩戲︳十字衝鋒車/極速快遞/我吃了那男孩一整年的早餐/世上最爛的人/昨日的美食 劇場版/長津湖之水門橋

電影LOL︳改編泰國少年足球隊洞穴拯救事件 新片Thirteen Lives 改放Amazon Prime上架

電影LOL︳《魔盜王6》搵小丑女Margot Robbie主演? 監製爆︰劇本預佢一份

電影LOL︳性侵醜聞5年後 Kevin Spacey復出拍古裝大片

電影LOL︳Adam Sandler新片演活NBA球探血淚史《籃兒當搏盡》6月上架

電影LOL︳《阿凡達2》預告片正式曝光 下一代唔係藍皮膚?

電影LOL︳《自殺特攻》翻生成功 衍生網劇以幕後大腦Amanda做主角

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能