電影LOL︳好笑得嚟幾得人驚 《雷神奇俠4:愛與雷霆》預告片出爐

漫威電影《雷神奇俠4:愛與雷霆》剛剛推出最新預告,終於見到Christian Bale飾演嘅大反派Gorr及由Russell Crowe飾演嘅宙斯!Christian Bale為角色再次減磅瘦身,配埋特技化妝,似足死神,夠哂陰深恐怖!

《雷神》由Taika Waititi接手執導後成為漫威電影中少數喜劇,今次《雷4》亦唔例外,預告開首由導演飾演嘅Korg做旁白,雷神由啤酒肚肥佬變返做大隻男神。不過做返男神嘅佢對住前度Jane一樣尷尬,仲數得出大家有8年7個月又6日無見過面,又時時刻刻提住女方唔好忘記「初次」,真係隔住個mon都feel到雷神餘情未了!

Waititi玩雷神當然唔留手,笑佢感情初哥之餘仲不停要佢show肌長期露手臂!面對由Russell Crowe飾演嘅宙斯,明明只係要拆穿喬裝結果被宙斯彈走哂啲衫變全裸,睇到一眾女天神魂哂浪,最mean係明明Natalie Portman飾演嘅Jane同Tessa Thompson飾演嘅Valkyrie在場,齊齊食花生睇熱鬧都唔救佢!

今集加埋「銀河守護隊」成員預計笑料不斷,導演Waititi接受The Entertainment Weekly訪問「《雷4》充滿歡樂,有幾場甚至極浮誇,不過將會比上集有深度,《雷4》戲中每個角色都要面對自己人生意義、何謂英雄、點運用自己能力等問題,一樣要面對與撃愛生離死別。」

相信《雷4》中得反派Gorr唔會搞笑,Christian Bale為角色再次瘦身,加埋超低嗓音,以諸殺眾神為目標嘅佢出場幾秒已經令人不寒而慄,眾多漫威電影宇宙嘅反派之中,呢位Gorr算得上最詭異恐怖!《雷4》係Christian Bale自2019年《極速傳奇:福特決戰法拉利》後重返大銀幕嘅作品,期待佢演技大爆發!

《雷神奇俠4:愛與雷霆》將於7月上映。

更多電影文章

電影LOL.今期睇咩戲︳奇異女俠玩救宇宙/魔比煞/誰和誰共母/肉罷不能/伊朗式英雄/劇場版 咒術迴戰 0

電影LOL︳情色經典《艾曼紐》拍新版 邦女郎Léa Seydoux挑戰大膽性愛場面

電影LOL︳又係Margot Robbie! 《盜海豪情》新篇又有「小丑女」

電影LOL︳居然係律師喜劇?《變形俠醫》分支劇She-Hulk預告曝光

電影LOL︳改編泰國少年足球隊洞穴拯救事件 新片Thirteen Lives 改放Amazon Prime上架

電影LOL︳《魔盜王6》搵小丑女Margot Robbie主演? 監製爆︰劇本預佢一份

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能