電影LOL︳荷里活怪獸級新人 Rachel Zegler做完白雪公主再拍《飢餓遊戲》前傳

Rachel Zegler一定係荷里活怪獸級新人,出道處女作就喺大導演史提芬史匹堡執導嘅《西城故事》中做女主角。Rachel 自《西》後片約不斷,加盟DC電影《沙贊》續集Shazam! Fury of the Gods後,又做白雪公主同Gal Gadot飾演嘅惡毒後母鬥靚。佢靚唔靚得過Gal Gadot見仁見智,不過肯定佢係荷里活片廠寵兒,出道以嚟套套大片又次次都擔正女主角!

最新消息Rachel Zegler將會主演《飢餓遊戲》前傳The Hunger Games: The Ballad of Songbirds and Snakes女主角Lucy Gray Baird!電影將由《飢餓遊戲》三部曲系列導演Francis Lawrence回歸執導,原著小說作家Suzanne Collins則會為電影監制。

前傳故事設定於《飢餓遊戲》64年前,故事講述18歲、仲未變成冷血獨裁者史諾總統(Coriolanus Snow),被指派成為第12區貢品Lucy嘅導師,Lucy嘅表現直接影響史諾地位,無奈只能共同進退。

至於Rachel何以中選成為Lucy Baird,導演Lawrence話「同其他人一樣,睇到Rachel喺《西》嘅演出,我就知道一位巨星已經誕生。Lucy同Rachel簡直絕配,兩者有相似之處:大膽、獨立、勇於挑戰同時擁有脆弱、感性嘅一面。我相信Rachel會為Lucy注入生命力。」乜咁抬舉?!

而年輕版嘅史諾則由新世代男星Tom Blyth飾演,Tom電視演出較多,前後參與過HBO劇集The Gilded Age及Benediction,監制之一Nina Jacobson及Lionsgate高層Erin Westerman大讚Tom演技,將原本忠心、充滿野心及墮入愛河嘅年輕人,一步步成為後來嘅暴君演得絲絲入扣。

《飢餓遊戲》電影不經不覺推出已有10年,女主角Jennifer Lawrence由新人變成金像影后,今次前傳由Rachel Zegler接手,能否不負眾望,帶系列更上一層樓,真正成為影壇巨星?2023年11月自有分曉。

更多電影文章

電影LOL.今期睇咩戲︳壯志凌雲:獨行俠/犯罪都市:極拳執法/不要忘記我愛你/總理之夫/壞蛋聯盟

電影LOL︳畢列谷巴再次自導自演 新片Maestro演傳奇作曲家後生做到老

電影LOL︳康城影展 湯唯IU「失落」影后寶座 未必因為演技 同規則有關?

電影LOL︳貓王傳記片打破家屬例必唔撐定律 男主角入戲太深拍完入醫院

電影LOL︳IU做媽媽 日本導演是枝裕和拍韓片《孩子轉運站》 棄嬰收集箱引發的人情故事

電影LOL︳好笑得嚟幾得人驚 《雷神奇俠4:愛與雷霆》預告片出爐

電影LOL︳情色經典《艾曼紐》拍新版 邦女郎Léa Seydoux挑戰大膽性愛場面

電影LOL︳又係Margot Robbie! 《盜海豪情》新篇又有「小丑女」

電影LOL︳居然係律師喜劇?《變形俠醫》分支劇She-Hulk預告曝光

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能