【電影LOL】失聰學校集體性侵事件 台片《無聲》睇到超窒息

·2 分鐘文章
【電影LOL】失聰學校集體性侵事件 台片《無聲》睇到超窒息
【電影LOL】失聰學校集體性侵事件 台片《無聲》睇到超窒息

台灣金馬獎頒獎典禮星期六舉行,今屆獲得8項提名嘅台灣電影《無聲》今個星期四將會喺香港上映。《無聲》改編自轟動一時嘅國立臺南大學附屬啟聰學校集體性侵案,被稱為題材相若韓片《無聲吶喊》嘅台灣版,戲內氣氛充滿壓抑與無力感,睇得人好沉重!

2011年,失聰學生就讀嘅啟聰學校被揭發駭人聽聞嘅性侵事件,有家長發現就讀該校嘅女兒神情有異,細問之下得知驚人真相,向學校反映但係校方以息事寧人態度處理,家長決定追究到底,發現學校官官相衛、老師視而不見、學生由受害者變成加害者等等令人扼腕嘅現象。

呢件事當年喺台灣相當轟動,尤其校方處理手法只求卸責逃避,時任校長喺事件被一間教育基金會揭發之後,同外界講基金會所指嘅性侵案件宗數有誤「不是128件,只有71件!」,喂!一宗都嫌多啦吓話?另外,前校長認為家長都要負責任,因為佢地冇準備自衛用品!仲有仲有,有家長喺學校見到學生性侵女學生,向老師通報,對方話「有女生入讀之前,家長就安排個女做手術,切定個子宮」……你明白點解咁哄動啦?!

【電影LOL】失聰學校集體性侵事件 台片《無聲》睇到超窒息
【電影LOL】失聰學校集體性侵事件 台片《無聲》睇到超窒息

令人火滾嘅內情太多,但係《無聲》導演柯貞年以冷靜方法,透過失聰學童以手語溝通嘅特性,安排多場戲份一如戲名一樣「無聲」進行,營造出難以宣之於口嘅壓抑感,觀眾更能代入各個角色嘅內心衝突。

有呢個話題做背景,《無聲》喺台北電影節率先登場嘅戲飛10分鐘就賣晒,而正式上映後票房亦相當不俗,至今已經突破4千萬台幣,並且有多位官員同政界人物包場觀賞,希望更多人正視問題。

【電影LOL】失聰學校集體性侵事件 台片《無聲》睇到超窒息
陳妍霏飾演貝貝,戲中慘遭性侵

卡士方面,有憑《叔.叔》奪得香港金像獎影帝嘅太保,以及台灣金鐘視后暨金馬影后楊貴媚2位實力派之外,飾演學生嘅都係新晉演員。來自韓國嘅金玄彬飾演學長小光,狂妄性格背後原來別有內情,獲提名金馬獎男配角,得獎呼聲甚高!而飾演被性侵女生貝貝嘅陳妍霏獲提名最佳新演員,拍片時年僅18歲,第一次參演就做女主角,陳妍霏同其他演員一樣要用3個月學手語,更加向大學申請休學配合拍攝。

更多電影文章

【電影LOL】今個星期睇咩戲 《鬼滅之刃劇場版》《屠.姐上錯身》《親愛的房客》《靚太軍樂團》

【電影LOL】荷里活最環保嘅迪士尼又一翻拍之作 今次輪到史迪仔套《扮嘢小魔星》

【電影LOL】梅麗史翠普12月又有新戲 Let Them All Talk冇劇本盡見演員功力

【電影LOL】《鬼滅之刃劇場版》香港開畫收過300萬 鍊贏大片《天能》做年度開畫冠軍

【電影LOL】「戰狼」吳京出征荷里活 同Chris Pratt演保鏢邊打邊搞笑

【電影LOL】《后翼棄兵》女主角 Anya Taylor-Joy 落街放狗被發掘嘅上位女星