雅虎香港新聞 電影LOL︳「超人」亨利卡維爾成新占士邦大熱人選 當年試鏡落選 原因竟然係…
尋日提到「最性感男人」Idris Elba新片Beast，北美開畫輸俾《龍珠超劇場版：超級英雄》。而Idris Elba係盛傳嘅新占士邦人選之一，呢場選角遊戲呢期有唔少花生，一於一齊慢慢食
首先今日有報導話，片商打算繼續拍《新鐵金剛》系列至到2037年，到時亦係呢套系列電影嘅75周年。15年後嘅事太長遠，但係另一個來自英國電視節目Lorraine嘅消息所講，未來會有3套新嘅007電影，應該會起用同一位演員飾演占士邦。節目主持又話收到風，片商屬意嘅人選身高要有178cm，年齡大約三十幾，而且唔一定係英國籍。
本來係頂頭大熱嘅Idris Elba已經49歲，超齡喎！不過呢位大熱人馬好得觀眾以及《新鐵金剛》監製Barbara Broccoli歡心，只係經過一大輪討論之後，Idris早前已經表明唔接占士邦一角，理由係想有個人創造嘅作品喎，盛傳佢仲交咗個心水人選名單俾監製考慮。
其餘傳過有機會嘅人選「雙湯」，即係演過雷神細佬Loki嘅Tom Hiddleston（41歲）同《毒魔》男主角Tom Hardy（44歲）都係超齡。而新一代《超人》亨利卡維爾「擲界」下年先40歲，因而立即變成大熱！博彩公司開嘅最新盤口，「超人」以1賠2領先。
亨利同007呢個角色有啲淵源，2005年佢曾經獲邀參加《新鐵金剛智破皇家賭場》試鏡，受訪時佢話當年都去到最後幾輪面試，最終落敗原因係……太肥！亨利都承認當年唔識飲食同操肌，而最終勝出嘅就係剛剛「退任」007嘅Daniel Craig。
估計最遲下年就會有新占士邦人選嘅消息，到底「超人」能否一雪前恥？
更多電影文章
電影LOL︳今期睇咩戲 虛無／祖宗膠戰外星人／烈火少女／屁屁偵探電影
電影LOL︳《龍珠超劇場版：超級英雄》小爆冷 擊敗「最性感男人」成美國開畫票房冠軍
電影LOL︳桂綸鎂張孝全《猜猜我是誰》5年前一早踢爆電話騙案集團真相
電影LOL︳票房係《明日戰記》6倍 《獨行月球》係國產太空《真人Show》？
電影LOL︳《功夫熊貓》第4集落實 2024年3月阿寶返嚟啦
電影LOL︳大件頭男演員10個月減150磅 演業餘拳手重拾熱血人生
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
