電影LOL︳桂綸鎂張孝全《猜猜我是誰》5年前一早踢爆電話騙案集團真相

近排好多報導提到,唔少台灣同香港人被「賣豬仔」騙到東南亞國家,被不法分子禁錮,兼要做電話騙案騙徒,每日打17個鐘頭電話!

電影LOL︳桂綸鎂張孝全《猜猜我是誰》5年前一早踢爆電話騙案集團真相
電影LOL︳桂綸鎂張孝全《猜猜我是誰》5年前一早踢爆電話騙案集團真相

電騙都係一種罪行,而犯罪元素正正係電影題材。2017年嘅合拍電影《猜猜我是誰》(內地片名《鉅額來電》)就係以電騙做主題,部份情節而家睇返都可以話係神預測。

故事以內地真實電騙案取材,民警丁小田(陳學冬飾)中學老師因為受騙而跳樓,小田誓要追尋真相,與警方電信詐騙專案組不謀而合。詐騙集團頭目林阿海(張孝全飾)與阿芳(桂綸鎂飾)在國內以正規招聘名義招募團員,到泰國後進行嚴格控制。通過先進的科技手段和對受害人心理的準確拿捏,兩人的詐騙集團日益強大,上至上市公司老闆,下至退休老人,財產都遭受威脅。專案組已經派出女特警小兔(蔣夢婕飾),混入泰國的電騙團隊蒐集證據,丁小田與小兔密切配合,逐步掌握了犯罪集團各個詐騙環節上的機密與證據,但同時阿海也與台灣幫立下30天騙下1億人民幣驚天賭約……

電影LOL︳桂綸鎂張孝全《猜猜我是誰》5年前一早踢爆電話騙案集團真相
電影LOL︳桂綸鎂張孝全《猜猜我是誰》5年前一早踢爆電話騙案集團真相

片中桂綸鎂管理嘅電騙集團,要各個到達泰國開工嘅成員交出電話同護照,並且有晒劇本同埋被洩露嘅個人資料,要負責打電話嘅成員根據2份材料嚟呃人,桂綸鎂仲會教埋用咩語氣同受害人講嘢!《猜猜我是誰》同樣描述有人發現工作同出發時嘅介紹不符而想離開,結果被暴打一輪仲威脅要賠錢,桂綸鎂仲話「打死丟落海餵魚」,十足而家新聞所講嘅情況!

想走,真係會被人打
想走,真係會被人打

《猜猜我是誰》係由香港導演彭順執導,由於出品方包括中央電視台電影頻道,相信係有官方宣導反詐騙訊息嘅使命在身。《猜》嚴格嚟講可以稱為電視電影,不過以官宣片計套戲唔算難睇,起碼敘事節奏都有刺激性,某啲鏡頭同色調都見到彭順風格,只係尾段追捕戲又變得太俗套。反而喺香港拍嘅結尾值得一讚,桂綸鎂嘅演出堪稱「由頭帶到尾」。

電影LOL︳桂綸鎂張孝全《猜猜我是誰》5年前一早踢爆電話騙案集團真相
電影LOL︳桂綸鎂張孝全《猜猜我是誰》5年前一早踢爆電話騙案集團真相

片尾出credit時候仲有一班受害人現身說法,講出當年受騙原因,例如有人以為俾6千蚊稅金就可以收到20萬「獎金」。當你想恥笑嘅時候,其中一位受害人講出受騙嘅根本癥結︰冇好好溝通。如果我地問多一下去東南亞嘅朋友同家人,佢地係去做啲乜,而家會唔會少好多家庭要面對呢類困境?

更多電影文章

電影LOL︳今期睇咩戲 虛無/祖宗膠戰外星人/烈火少女/屁屁偵探電影

電影LOL︳票房係《明日戰記》6倍 《獨行月球》係國產太空《真人Show》?

電影LOL︳等到出血!第10套《恐懼鬥室》出年萬聖節面世

電影LOL︳《功夫熊貓》第4集落實 2024年3月阿寶返嚟啦

電影LOL︳大件頭男演員10個月減150磅 演業餘拳手重拾熱血人生

電影LOL︳2千呎高塔逃生冒險 新片Fall用人工智能遮粗口變返II級片

電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!