雅虎香港新聞 電影LOL︳泰國情慾恐怖片《邪妓》社會寫實＋情色＋靈異 勁有舊式港片風味
間唔中都會睇吓泰國有咩鬼片出品，因為佢地真係好識拍靈異嘢！
最近台灣有片商引入去年上映嘅泰國情慾恐怖片Black Magic Mask，改咗個中文名叫《邪妓》，有泰式恐怖片嘅風土驚嚇，再加入情色同社會寫實元素，樣樣有。
泰鬼片通常會有一項民俗傳說／邪術／儀式做牽引﹐今次《邪妓》嘅重心就係一種叫「金面娜娜通」嘅法術，就係喺面上貼金嚟吸引人緣，令自己變得人見人愛。至於故事就係以泰國曼谷紅燈區做背景，女主角Aim為錢出賣肉體，過住不見天日嘅生活。Aim後來聽媽媽生嘅提議，嘗試做「金面娜娜通」儀式，仲將自己身體當祭品奉上。起初Aim真係「人氣急升」，但後來開始要償還代價，恐怖事都隨之發生。
《邪妓》除咗驚之外，仲以性工作者生活刻劃低下階層困境，當然配合劇情自然有唔少「愛情動作」場面，幾樣元素溝埋一齊嘅風格，都幾似七八十年代香港部份奇幻恐怖片。有觀眾睇完話套戲「重甜」，會唔會令一心求嚇嘅朋友失望呢？
更多電影文章
電影LOL 今期睇咩戲︳祖宗膠戰外星人2／反貪風暴之加密危機／鬼聲陰／新活日常／莫斯科行動／小曉／三大隊／味遊心窩
電影LOL︳DC女超人選角確定 《龍之家族》Milly Alcock揮低一眾女星脫穎而出
電影LOL︳犀利B登場！《壞蛋獎門人4》預告片曝光 犀利哥再升呢做老豆
電影LOL︳《芭比》失落奧斯卡最佳導演女主角提名話題發酵 希拉莉楊紫瓊發聲撐
電影LOL︳《奧本海默》13提名冠絕本屆奧斯卡 《芭比》Margot Robbie爆冷無緣爭影后
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
