電影LOL︳荷里活導演公會同片廠達成協議 編劇企硬繼續工業行動 嚟緊連演員都罷工？

美國荷里活嘅編劇公會(WGA)進行罷工之外，同時導演公會(DGA)及演員公會(SAG-AFTRA )都醞釀緊工業行動。不過，導演公會同代表片廠嘅組織AMPTP(Alliance of Motion Picture and Television Producers)，喺美國時間星期六深夜達成臨時協議，DGA形容呢份係「歷史性」協議內容，唔止提高導演、副導同製片等工種人員嘅薪酬，仲提高佢地為串流平台製作嘅作品喺海外播放所得利益嘅分紅。此外，雙方仲會確定，不能以人工智能生成嘅內容，取代會員嘅工作。而因應前年電影Rust拍攝時，主角艾力寶雲使用道具槍時錯誤射殺攝影師Halyna Hutchins，DGA同AMPTP亦協議在片場禁用具殺傷力槍械。

業內人認為，DGA傾成協議，對罷工個幾月嘅WGA有壓力，而編劇亦都對於本來同一陣線嘅DGA咁快傾掂數有微言。外界相信WGA短期內會重返談判桌，不過WGA未見態度軟化。首先WGA發文祝賀DGA同片商達成協議，但就強調唔會動搖立場，又話AMPTP嘅分化策略唔會成功。外媒Deadline報導，WGA仲計劃星期一發動會員去其中一個串流平台APPLE TV+母公司蘋果嘅加州總部，以及全美5個大城市嘅蘋果旗艦店外抗議。

至於代表電視及電影演員嘅SAG-AFTRA，而家正在進行罷工意向投票，一旦通過的話，如果公會同片商未能喺6月30日之前達成協議，佢地就可以合法罷工。SAG-AFTRA星期三開始就會展開新嘅合約磋商，佢地同WGA一樣，認為即使DGA達成協議，都唔會改變談判策略。

更多電影文章

電影LOL 今期睇咩戲︳蜘蛛俠：飛躍蜘蛛宇宙／犯罪都市：鐵拳掃毒／凶門惡煞／配樂大師：ENNIO

電影LOL︳《馴龍記》系列翻拍真人版 女主角人選再惹《小魚仙》式選角爭議

電影LOL︳《小魚仙》內地票房麻麻 竟然被指係因為「種族歧視」

電影LOL︳《閃電俠》搵巨星打口碑 連湯告魯斯都like 導演口快快自爆片中彩蛋

電影LOL︳荷里活編劇罷工 竟然導致Ryan Reynolds拍《死待3》被禁爆肚？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！