雅虎香港新聞 電影LOL︳黃秋生參演新版《艾曼妞》 原版情色場面極大膽
外媒Deadline報導，由法國女導演Audrey Diwan重新翻拍嘅七十年代法國情色片《艾曼妞》，已經完成拍攝工作。而演員名單當中，就有來自香港嘅影帝級人馬黃秋生。早前秋生哥都post過喺巴黎拍攝嘅照片，又寫道Working in Paris，原來就係為新版《艾曼妞》開工。
改編自同名小說嘅原版《艾曼妞》電影1974年上映，故事講述法國駐泰國外交官嘅太太去到曼谷生活，遇上各種性愛體驗。當年電影上映後極度震撼，因為戲中唔少情節同場面都好大尺度，女女接吻、自慰、航機上發生關係甚至強暴等，而家睇都覺得好大膽。
導演Audrey Diwan憑《孕辱》（Happening）喺2021年威尼斯影展奪得最高榮譽最佳電影金獅獎。Audrey Diwan談及《艾曼妞》時提到，得到金獅獎後令佢有更大自由度處理新片。佢話新版故事會發生喺一間豪華酒店，講述係一個女子尋求愉悅嘅過程，主要取材係於原版小說，而唔係《艾曼妞》電影。導演對故事相當口密，但係據報導指《艾》喺巴黎以外仲喺香港拍攝，唔知故事背景會唔會由曼谷轉到香港。
至於好大機會有唔少情慾戲份嘅女主角艾曼妞，將會由喺Tár演姬蒂白蘭芝助手嘅Noemie Merlant飾演。同片除咗秋生哥之外，仲有荷里活女星Naomi Watts，以及主力喺海外演出嘅中國演員Chacha Huang（黃雪）。
更多電影文章
電影LOL 今期睇咩戲︳水行俠與失落王國／星願奇緣／河邊的錯誤／RENAISSANCE: A FILM BY BEYONCÉ
電影LOL︳伊朗導演拍特朗普青年時期經歷 男主角係荷里活扮嘢王？
電影LOL︳影壇新金童玉女 《芭比Barbie》導演Greta出任康城影展評審團主席 男友Noah執導佐治古尼新片
電影LOL︳Barbie大賣 Mattel籌拍American Girl真人版電影 幕後主腦拍過恐怖片！
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
