靜待事業第2春 袁偉豪以「蛻」為進 想撈埋幕後

無綫小生袁偉豪入行25年，受疫情影響，他形容事業現正處於寒冬期，惟有養精蓄銳靜待事業上第2個春天。除幕前演出外，他亦會在幕後及音樂方面作多方位發展。

袁偉豪（Ben）跟譚俊彥於劇集《廉政行動2022》中首度合作，他形容2人性格一凹一凸，合作舒服：「大家出發點都係為件事好，不過我就直白啲，佢有時會話『唔使咁嘅』。」大讚對方似大哥哥，經常提點他。

今年是Ben入行25年，對他來說2016至2019年是事業高峰期，迎來首個春天。他感恩工作略有成績，但承認過程中有迷失及自我膨脹：「身邊唔係冇人提點我，但觀點與角度，嗰刻我覺得自己冇問題、我個出發點係啱，但旁人睇你係唔啱，好難攞到平衡，自己承受好大壓力。」然而春天過後瞬間轉入寒冬，疫情令Ben工作量大減，要靠積蓄過活，休息期間令他得以沉澱及反思，現正等待事業上第2個爆發點。除幕前演出外，Ben有意涉獵幕後工作：「以往我只係收到劇本去做，唔係由零開始參與，我想喺演出做得好啲，參與度高啲，有助提升自己專業。電視上想嘗試做策劃同監製，音樂上想有自己創作。」

學識妥協

談到Ben近年多次跟網民爆罵戰，他自認不算火爆：「我係講道理嘅人，你今日問我（做法）會唔會唔同咗，我係成長咗，有啲位會多一個唔同選擇，有時唔可以因自己嘅想法要全世界配合我，包括我同傳媒嘅關係。我試過唔敢出嚟做專訪，因為有時會放錯重點，重點唔喺工作，而係放喺周邊，將唔好嘅嘢不斷放大。當然回頭一看得啖笑，但過程中我可能因為咁而冇咗好多工作。」

另外，前晚《廉政》劇情講述Ben為查案，於街頭追捕疑犯，親身上陣的他除了要爬棚架，更要由高處跳下及穿越車來車往的馬路，相當刺激，其身手非常敏捷，令場口更有睇頭。