香港全職運動員資助微 李卓耀：「萬零蚊最低工資」才合理 籲勿忽略其他運動員｜Yahoo

【Yahoo 新聞報道】巴黎奧運 8 月 11 日落幕，隨著港隊創下史上最佳的 2 金 2 銅佳績，社會續聚焦討論香港運動員的待遇。現時全職運動員每月標準資助額，最低僅約 7000 元，資助額視乎運動員在各個比賽所得的成績而定。港協暨奧委會義務秘書長、香港輔助警察隊總監楊祖賜近日形容，雖然運動員薪金不高，但是獲得其他資源，如教練、醫療、住宿等，「嚴格嚟講，佢哋無咩嘢要使錢」，這番話引來熱議。出戰奧運的羽毛球代表李卓耀，今早（12日）在電台受訪，他認為不能夠忽略那些為數不少、只取得最低資助的運動員，並認為應該設定「最低工資」，「萬零蚊」才算合理，期望改變現行制度。

現時運動員每月收到的標準資助額取決於在奧運會、亞運會、世錦賽、全運會、世運會等大賽的成績，資助共劃分為 6 個級別：成人隊、精英丙、精英乙、精英乙+、精英甲和精英甲+，全職運動員每月標準資助額由 7,130 元至 44,500 元不等。

相關報道：運動員資助｜全職最低 7130 元 打入奧運最低僅 1.1 萬元 前空手道港隊促檢討

李卓耀今早（12日）接受商台《在晴朗的一天出發》訪問，談及香港運動員待遇。16 歲便成為全職運動員的他，當年每月便領約 7000 元的資助。 對於體院「包食包住」、「無乜開支」、「運動員經常打比賽無乜機會使錢」的說法，李卓耀回應說，對 16 歲的他來說，7000 元確實可以視為「零用錢」，「但我只可以講，呢樣嘢係睇你自己控制，體院包食三餐，有得住宿舍，事實上咁樣講出嚟，我哋真係可以一個月都唔使用錢嘅。」

李卓耀續說：「但係我會覺得，呢樣嘢就係要喺我哋最...俾大家睇到最好嗰班嘅運動員嗰度做起。而我覺得唔可以忽略一啲後面嘅人囉。後面嘅人意思係，好似話齋就係 7000 蚊人工嗰班人，而唔係淨係永遠都係睇我哋上面 A 級、A+。」李卓耀認為，不能只看精英級別運動員，「你無可能永遠都係出面...嘩其實佢哋都 OK 呀。A 嗰啲呀嘛，但 A 嗰啲，認真講句，有幾多個先？咁其實有好多人都係喺下面 C、D 級別。」

16 歲的他或者可以當 7000 元資助為「零用錢」，被主持人問到了哪個歲數開始覺得這個金額不夠，李卓耀說：「呢一份係我哋工作嚟，已經唔係零用錢，係人工嚟，我（要考慮）點樣升職加薪啫。所以我哋要努力啲去打波囉。」被問到多少資助金額才算合理，他說：「萬零蚊囉，即係最低工資囉」。

李卓耀並說，在香港成為運動員犧牲很大，「我覺得別人犧牲了讀書時間，投入運動，這是很重大的抉擇，我覺得可以做得更好。」