雅虎香港新聞 【香港好去處】堅尼地城+摩星嶺情侶一日遊 沙灣泳棚+日落海邊鞦韆+都市農場玩農耕樂
今次推介的情侶一日遊行程，集中於堅尼地城及摩星嶺一帶，既會到超浪漫的沙灣海邊鞦韆及沙灣泳棚，亦會到全港首個都市農場參觀有機耕地，以及到設有巨型鞦韆打卡位的餐廳嘆多國菜，令兩口子有個Sweet爆的假期! 白色情人節快到，正好提供機會比兩口子好好甜蜜一下！
—
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
—
巨型鞦韆打卡位 Hea住嘆多國菜
位於西環加多近街的Chill and Grill佔地逾7000呎，設有巨型鞦韆打卡位，中庭更有個開放式大廚房，極高樓底，打卡之餘，可以無限時任坐，好好享受二人時光。菜式以多國菜為主，份量十足，好似即叫即燒的法國黃油雞、泰式原條無骨盲鰽魚配紅咖喱醬、燒排骨等，唔好眼闊肚窄呀。Cafe更設食品雜貨專區，出售水耕菜、凍肉、海鮮﹑醬料和麵包等食材，可以買返屋企煮飯仔。
Chill and Grill
地點: 西環加多近街57號地舖
網址: 按這裡
前往方法: 從堅尼地城港鐵站C出口步行3分鐘
全港首個都市農場 參觀有機耕地+農耕樂體驗
「堅 ‧ 農圃」係全港首個結合水耕、魚菜共生及有機耕種的都市農場，提供導賞團、課程及農耕體驗活動等，比大家認識各種耕種系統的知識和科技。2,000平方米的範圍內，有水耕園、有機耕地、戶外課室、多用途空間等設施，當中單單係有機耕地都有五個，總面積共350平方米，包括有機迷宮、垂直有機園，環境優美很好打卡。另大家亦可參加逢周日舉行的農耕樂，比大家係堅尼地城海濱體驗有機耕種的樂趣，費用全免，記得網上預先登記。
「堅 ‧ 農圃」
地址: 堅尼地城卑路乍灣海濱長廊
網址: 按這裡
前往方法: 從堅尼地城港鐵站A出口，步行約8分鐘，巴士總站旁
沙灣泳棚 情侶打卡必到景點
回到堅尼地城港鐵站A出口，乘搭58或58M小巴至麥里浩復康院，經過根德公爵夫人兒童醫院後，往海邊方向步行大約15分鐘，到達沙灣泳棚。這個近年大熱的打卡位，一條石造小橋配絕美海景，可以將整個海天一色的壯觀海景映入眼簾，配埋日落鹹蛋黃，成為一眾情侶打卡必到景點之一！不過要影沙灣泳棚，就要留意潮漲潮退時間，潮漲時整個泳棚都會被淹沒，出發前記得做定功課。
沙灣泳棚
前往方法: 從堅尼地城港鐵站A出口，乘搭58或58M小巴至麥里活復康院，往海邊方向步行大約15分鐘
超夢幻海邊鞦韆
襯著日落時份，記得去埋沙灣海邊鞦韆。從沙灣泳棚沿路折返至麥里活復康院，再走入沙灣道長堤，除了可以睇到美美的日落海景，沿長堤前行便能到達沙灣海邊鞦韆，木鞦韆配日落海景，絕對係超夢幻的打卡元素。唔講唔知這個超浪漫鞦韆，是由居民自發建成，靠繩索掛在大樹上，大家記得好好愛惜，每次只限一個人乘坐，亦不要大力搖晃。
沙灣海邊鞦韆
前往方法: 從沙灣泳棚沿路折返至麥里活復康院，再走入沙灣道長堤走5分鐘即達
更多相關文章
【香港賞花】嘉道理農場重開後 花朵被踐踏兼隨處垃圾 6大賞花禮儀你要知
【香港好去處】新界北區賞花一日遊 紅花風鈴木+黃花風鈴木+大水管打卡
【狗狗好去處】 深水埗區人寵賞花一日遊 南昌公園黃花風鈴木+元州邨杜鵑花隧道+寵物友善Cafe
【香港本地遊】坪洲慢活打卡一日遊 人氣名物蝦多士+手繪彩瓷工作坊+文青雜貨店｜附交通方法
【親親大自然】漁護署設生態活動平台 推生態導賞團+工作坊+網上活動
【香港櫻花】5大香港賞櫻熱點+開花預測 將軍澳單車館公園+鰂魚涌公園+科學園
【本地好去處】西貢悠閒一日遊行程推介 珍珠首飾DIY班+純白日系Cafe+環保雜貨店
【新年好去處】元朗小青森農莊 4大打卡位+青森祭典+蘋果美食
【本地好去處】大澳一日遊 大澳必食名物+打卡壁畫+文青雜貨店+玻璃屋下午茶
【香港野餐】5大野餐好去處+揀位攻略 歐陸建築+海景大草原+市區叢林打卡位
