香港小姐再競選|何沛珈/李芷晴/陳懿德殺入三強 邊位係你心水冠軍?

《香港小姐再競選》陳懿德、何沛珈 & 李芷晴
《香港小姐再競選》陳懿德、何沛珈 & 李芷晴

TVB台慶綜藝節目《香港小姐再競選》喺日前(29日)已經隆重舉行,讓一班過往未能成為三甲嘅佳麗可以再度參選,有機會完成當年嘅夢想。當晚14位佳麗(1號梁允瑜、2號蔡菀庭、3號陳懿德、4號黎寬怡、5號李天縱、6號李芷晴、7號賴彥妤、8號鄺靜汶、9號黃婉恩、10號王嘉慧、11號何沛珈、12號關楓馨、13號麥皓兒、14號莫韻諰)施展渾身解數,最終由「更上鏡小姐」何沛珈(Roxanne)、「最佳進步獎」李芷晴(Stephanie)及陳懿德(Rachel)躋身最後三強,而佢哋邊個可以奪得冠軍寶座?咁就要等到台慶夜(11月19日)再 進行比賽啦!

現年26歲嘅何沛珈係2020年落選港姐,止步五強後加入TVB,其後被安排加入資訊節目《東張西望》擔任外景主持,成為「東張女神」之一,及後又化身白衣天使擔任《醫醫,我不想再病了》嘅護士小幫手,發展不俗。何沛珈早前亦加入處境劇《愛·回家之開心速遞》》劇組,取代蔡玉皎(王子涵飾)秘書位置。何沛珈早於去年7月亮相《愛·回家之開心速遞》飾演「細龍生」龍力士(鄭世豪飾)女友Luna,曾喺劇中大跳椅子舞,成功吸引網民關注。今次佢喺《香港小姐再競選》表演傣族舞,當中有唔少單腳站立等高難度動作,相當專業!

現年29歲嘅李芷晴係2018年12強佳麗之一,加入無綫後擔任節目主持及拍劇工作。佢喺入行初期同時教畫畫維持收入,不過最終因演藝工作繁忙而停止教畫畫工作。佢被獲派主持J2節目《六合彩》,被網民封為「六合彩女神」,另外佢亦憑處境劇《愛·回家之開心速遞》》飾演接龍員工Elaine,成功入屋。佢喺《香港小姐再競選》中表演中國舞加水墨畫,表現淡定又亮眼。

現年24歲嘅陳懿德係2021年8強佳麗之一,喺加入TVB後不久便喺王牌節目《東張西望》擔任主持,榮升「東張女神」之一,獲得觀眾注意。陳懿德近日演出機會漸多,繼喺《全城一叮》著吹氣肥妹裝唱出鄭欣宜嘅《女神》獲晉級後,今次亦喺《香港小姐再競選》挑戰腹語表演,可以話係毫無破綻,成功殺入最後三強。

《香港小姐再競選》截圖
《香港小姐再競選》截圖
李芷晴
李芷晴
李芷晴
李芷晴
李芷晴
李芷晴
何沛珈
何沛珈
何沛珈
何沛珈
何沛珈
何沛珈
陳懿德
陳懿德
陳懿德
陳懿德
陳懿德
陳懿德

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!