【香港行山】觀塘後山沈雲山 細看大石地標+水壩遺跡+公園野餐

天氣愈來愈熱，大大減低大家外出郊遊的意慾。作為市區人，唔想去到咁遠，繁華的觀塘都一樣有山行。好似觀塘佐敦谷公園係野餐勝地，相信大家也十分熟悉，但原來附近也有行山路線。

沈雲山只高177米，路線全長約4公里，行勻全程只需約1小時45分鐘，沿路大多係平路，只有少量樓梯，十分易走。由於一些梯級較高，建議大家可穿防滑鞋子，但整體嚟講都非常適合一眾行山初哥或一家大細合家歡。

從佐敦谷晨運徑出發

從九龍灣港鐵站A出口轉左再過天橋轉右直走，便會到達牛頭角市政大廈。經過牛頭角街市沿振華道直走，經過佐敦谷遊樂場、游泳池、食水及海水抽水站，便會到達行山徑入囗佐敦谷晨運徑，要留意行山中途無任何補給，大家要Check清楚。

欣賞佐敦谷水塘水壩遺跡

進入佐敦谷晨運徑後，沿路直走十分鐘左右，便會到達佐敦谷水塘水壩。水壩位於機場山和沈雲山之間，以往為附近居民提供沖廁用水，但後來因淤泥堆積，令水質變差而停用。水壩中間位置可欣賞佐敦谷風景，大家可以在此小休一下。

海拔177米 沈雲山山頂

水壩旁邊有樓梯，沿樓梯繼續拾級而上，走完樓梯後會連接一道泥濘山徑，沿小徑可慢慢登上高177米的沈雲山山頂。登頂途中可看到順利邨及飛鵝山一帶，景色十分優美。

大石地標 觀塘上配水庫花園
登頂後便到達觀塘上配水庫花園，花園上有不少休閒設備，例如有緩跑徑、涼亭座椅、小量健身設備，是觀塘街坊的後花園。除了一堆休閑設備，還有一個大石地標，是遊人的打卡熱點。大石的前方有一條緩跑徑，而後方則是安達臣道石礦場。如此特色的環境，做運動時候又有一番風味。

佐敦谷公園野餐
經花園的另一出口，沿水泥斜路及樓梯下山離開。落山時可看到牛頭角、觀塘、秀茂坪一帶，若天氣好的話更可遠眺至港島區灣仔至鰂魚涌等。

到達順天街市後再沿順利邨道前往佐敦谷公園野餐，公園有一大片草地，可以讓大家野餐、放風箏等。公園也讓狗隻進入，大家也可帶同愛犬出遊。

路線：九龍灣港鐵站> 牛頭角市政大廈>振華道>佐敦谷水塘水壩 >沈雲山>觀塘上配水庫花園 >佐敦谷公園>彩虹港鐵站

全程：約4公里

需時：2小時

難度：初級

來回交通：港鐵及巴士，去程九龍灣站/ 回程從佐敦谷公園乘巴士27或29M到彩虹港鐵站

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！