馮盈盈請教師傅化解是非

東方日報
·1 分鐘文章
講到舊愛醫生男友結婚,馮盈盈送上祝福。
講到舊愛醫生男友結婚,馮盈盈送上祝福。

薛家燕、馮盈盈、張秀文、堪輿學家李丞責、麥玲玲等昨日在電視城出席節目《天天開運王》記者會,問到盈盈可望牛年減少是非?她笑說:「都想嘅,會請教節目5位大師。(有得化解?)呢個世界冇嘢係解決唔到嘅,佢哋話我新聞比較多係好事,證明我有人氣、有talking point,多謝大家關注。(話你係新一代姣精?)話我,唔代表我係。」

薛家燕「紅鸞入命」

李丞責日前宣布老婆劉倩婷懷有第二胎,問到他老婆可有性情大變?他笑說:「老婆啲脾氣變好咗,因為佗住B唔可以大聲講嘢,又行得比我慢,享受美食嘅時候特別和善。」他又笑指薛家燕牛年「紅鸞入命」緣分從天而降:「分分鐘有咗都仲得呀!」她即笑說:「我已經食咗靜心,嗰方面收咗工o架喇。」

眾堪輿學家為藝人們指點迷津。
眾堪輿學家為藝人們指點迷津。