馮素波開IG勁吸Like 仲有邊位長輩級藝人好識玩?

馮素波開IG勁吸Like 仲有邊位長輩級藝人好識玩?
馮素波開IG勁吸Like 仲有邊位長輩級藝人好識玩?

IG唔係年輕人嘅專利,近年唔娛樂圈「長輩級」藝人都緊貼潮流,開設個人IG帳戶後兼不時分享個人及工作生活,同網民及粉絲互動一番,而以下呢五位「阿姐級」藝人非常識玩,更令唔少年輕人重新認識佢哋!

馮素波
縱橫演藝圈超過70年嘅「波姐」馮素波,早前被指與MIRROR人氣成員「教主」Anson Lo撞樣,除咗喺電影《過時.過節》與Anson Lo同框演出之外,佢仲拍攝咗一輯模仿「教主」嘅廣告相。波姐喺上年12月開設個人IG帳戶,而佢亦了解到MIRROR係「流量密碼」,所以上載咗多張與MIRROR成員嘅合照,結果成功引嚟好多like同留言,更獲網民大讚佢心境年輕。

馮素波
馮素波

汪明荃
講到識玩嘅「阿姐級」藝人,點可以唔提汪明荃(汪阿姐)呀!佢喺2018年開設個人IG帳戶,並自創出「#汪阿tag」,即係喺相片上用紅色字手寫人名,結果成功喺IG界掀起熱潮,吸引唔少人跟風。

汪明荃
汪明荃

鄭裕玲
一向有時尚品味嘅鄭裕玲(Do姐),除咗喺IG分享OOTD之外,佢亦會上載與《口水多過浪花》嘉賓嘅合照,當中不乏年輕人嘅偶像,例如MIRROR、ERROR、MC張天賦及Tyson Yoshi等等,吸引唔少粉絲讚好及留言。

鄭裕玲
鄭裕玲

李司棋
淡出電視圈嘅李司棋(司棋姐),近年轉戰社交媒體,除咗喺IG上載日常生活之外,佢亦不時會拍攝IG Reels影片教煮美食,樂於接受新知識嘅佢,成功令網民了解不一樣嘅佢。

李司棋
李司棋

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!