26歲的藝人麥詩晴2020年參選港姐入行，她曾參與劇集《欺詐集團》、《青春不要臉》、《隱形戰隊》、《愛．回家之開心速遞》演出。詩晴之前找來攝影師為她拍了一輯靚相，髮型、服裝均由對方挑選，於相中一改以往的妹妹仔形象。她接受本報訪問時笑言：「我都係第一次嘗試呢啲造型，影相嗰陣攝影師都唔畀我笑，試吓唔同感覺，好多女仔都鍾意清純、可愛路線，但我鍾意有女人味啲，希望朝住呢個方向試吓！」