黃曉明女友葉珂舊照流出 容貌今非昔比 被評「辨析度太低」「每天都有新鮮感」

46歲嘅內地一線男星黃曉明同Angelababy（楊穎）離婚兩年後，近期被傳再婚。去到上周「海棉蛋糕」發微博承認同32歲網紅葉珂交往，寫道「抱歉佔用公共資源，大家別猜啦，我們在一起了」，而葉珂都有轉發微博並加上心心emoji，可以話係正式官宣戀情。

同得黃曉明一齊，葉珂難免被起底。有網民就搵出聲稱係葉珂2014至15年影嘅相，同而家嘅樣貌相比，真係要講句「十年人事幾番新」同埋「越大越靚女」！

有千萬粉絲嘅內地微博主「Real皮皮王」，就將多年來葉珂嘅12張相拼埋一齊，並且發文明串「葉珂辨識度太低了，她每次出來的照片看起來都不一樣……與她這樣的人談戀愛，是不是更能讓對象每天都擁有新鮮感？」。的確呢12張相都幾似登入前認證嘅相片，好考大家眼力。

葉珂除咗因為戀情而成為焦點人物，佢嘅過去都備受討論。32歲嘅葉珂讀書時期已經係校園風雲人物，曾被稱為「廣東高校最美校花100強」及「深圳大學十大女神」，後來同深圳知名礦石富商「礦山太子」結過婚，並育有一對兒女。但最後離婚收場。不過葉珂繼續過貴婦生活，透過做生意同埋投資房地產累積財富，住喺估計價值近億人民幣嘅深圳豪宅，仲不時大晒靚車，同曾經送車氹Baby嘅黃曉明興趣相投。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！