點解拍拖拍得咁辛苦？盤點7個可能拍錯拖的徵兆

生活

更新日期： 2018年4月20日上午5:41

一段美好的關係必須靠雙方真心付出才能維持得長久。但有時拍拖似乎自己怎努力，也不能與對方拉近關係。外國網站INSIDER今次就盤點了7個拍錯拖徵兆，你同另一半又有無中呢…？

撰文：Homan、J.C.｜圖片來源：Youtube截圖｜資料來源：INSIDER

拍拖遇上不對的人7個徵兆

拍拖嘅時候，除咗要傾偈氹對方開心，亦都會好想同另一半見面。無論如何忙碌，都會抽些時間與對方傾電話、傳訊息。但如果妳嘅伴侶好少同你約見面，只係一個月見一兩次，甚至連傾電話或者send信息都好少，這情況下「忙」就可能只是藉口，咁就好可能係遇唔啱人喇！

「你係我見過最好嘅人，但你成日都唔識遷就我／你都唔識氹人嘅……」呢種不斷雞蛋裏挑骨頭嘅性格，仲要成日數你不好的地方，要你變成佢口中認為理想嘅人，或者分分鐘係想將你激走吧？

有種伴侶經常希望自己一遇到難題嘅時候，你第一時間要俾到意見佢。但輪到你有問題嘅時候，就表現得唔在意，而且好快又轉其他話題。一段關係要彼此分憂的，唔可能只係自己重要，而對方就唔重要。

「點解你得，我又唔得嘅」、「幾好吖，但我覺得冇乜嘢」當你喺生活上過得順利時，分享給另一半知道，他沒有為你很高興之餘，還要說出妒忌的話，甚至感到生氣，他可能是缺乏安全感又不大方的人。這樣就很難與他一起分享成功的喜悅了。

有種人永遠覺得道理站在自己那邊，即使他已經是錯得離譜，還要「死雞撐飯蓋」。他們選擇發脾氣來壓住你，而唔肯認錯，連買點東西氹你都廢事，這種人在自己身邊就非常激心了。

正常的關係應該逐步建立，慢慢升溫，給予對方空間。但有些人卻以非一般的手法，用禮物轟炸你，狂打電話，發信息俾你，令你一絲的喘息空間也沒有，這種佔有慾過剩的人，或許會對自己成為滋擾吧。

當你發現他在前段關係失敗之後，沒有反思自己的過錯，還不時對你數落前度，那就可以知道他不是一個重情重義的人，下一個被他數落的對象可能就是你了。