被人搶男人就係輸家？英美研究：大婆才是最終贏家

有無試過被小三搶走男友或者老公？啲劇集咪成日見到啲小三搶到男人就得得戚戚，講到係個正印唔好，所以咪留唔住個男人，揀小三都唔揀你，被拋棄嘅正印就會覺得自己係輸家。但係小三真係勝利者咩？

一項英美研究喺96個國家搵嚟5,705個人做訪問，指出人一生至少會經歷一次失戀，而如果分手係因為小三介入，長遠反而對女性較有好處。

點解咁講呢？因為專家發現，當女人試過畀人搶走另一半，雖然短期會因為被背叛而傷心痛苦，但係就會提升之後搵另一半嘅智慧，即係會帶眼識人啲，容易分辨到邊啲人對伴侶無咁忠心，對於另一半出軌跡象更敏感，所以將來搵到好男人嘅機會都高啲。

咁小三又點呢？專家話長遠嚟講佢係輸家，因為佢宜家搶返嚟嘅男人，咪已經有出軌偷食同講大話呃另一半嘅記錄。你諗下，呢個男人咁易就畀你搶到，分分鐘轉頭又有另一小三搶走佢，你只係搶咗個底好花嘅男人。

而且個研究仲話，正印仲會因為呢次被背叛嘅經歷，因而更識得點樣處理情緒，變得更堅強成熟。所以，搶得走嘅男人唔洗可惜嘅，正所謂「留下你合照細望才知道， 我跟他人更合襯」，愛過錯嘅人，下次就搵到對的人架啦～