2023吉舖盤點｜空置率持續高企 內地品牌進駐尖沙咀 本地小店：條街似死城｜Yahoo

根據《Yahoo 新聞》記者現場點算，尖沙咀吉舖「重災區」加連威老道去年有至少 30 間吉舖，今年則餘 21 間，彌敦道交界的美敦大廈狀況與去年相若，仍有多個舖位丟空。該處一帶的新店包括在抖音受到推介的美妝保健品連鎖店「ZAKURA 櫻花薈」，以月租 50 萬元進駐加拿分道交界位、人流較旺的千呎舖位；主打平價路線的瑞生尖沙咀酒店（attitude on granville）亦包攬該街道一幢大廈多層舖位，大廈外牆張貼招租告示為其中四層、共逾萬呎單位尋找租戶。去年同樣吉舖林立的柏麗大道，吉舖由 23 間跌至 11 間，店舖仍以服裝特賣場為主。

新港中心Burberry變「老鋪黃金」

「名店街」廣東道繼去年獲「李寧」旗艦店以月租約 200 萬元進駐，其中新港中心 Burberry 旗艦店舊址，將開設內地具 24 年歷史的黃金珠寶店「老鋪黃金」。根據美聯工商舖資料，「老鋪黃金」趁淡市之際以每月約 150 萬元進駐廣東道，設立香港首家街舖旗艦店。

店舖種類方面，因疫情而生的短租口罩店今年全軍覆沒，變成利是封或服裝特賣散貨場。手搖飲品或特色小食店則隨處可見，如在加拿芬道、厚福街交界一個轉角位，已見 3 間新開業的手搖飲品店，當中 2 間為內地品牌，分別為「啊一檸檬茶」及「茶救星球」。

本地小店：夜繽紛活動扯走客人

雖然多個內地品牌進駐尖沙咀，但市況未見好轉。

本地小店、位於金巴利道的 LAB ZERÕ 今年 5 月開業，以雲朵「打卡」位、精緻日本食品招徠，惟記者在下午茶時段到訪，僅寥寥數枱客人。合夥人劉小姐指，當初因金巴利道舖租較厚福街相宜而落戶，開業初期生意較佳，「以前排隊會排到呢條街街尾，但而家唔會見到」。她續指，通關後港人統統外遊或北上消費，「你見到呢條街都係無乜人，總之連假、3 日或以上嗰啲都係無人」，店舖生意目前僅達收支平衡。

對於港府今年 9 月推出一系列「香港夜繽紛」活動，劉直指「無用㗎！」，「佢都係喺海傍嗰邊搞，距離我哋呢度都 15 分鐘路程」。劉續指，如港府推出食肆餐飲券或有助改善業界生意，但要視乎有關措施是否包括小店。

人流暢旺的厚福街同樣旺丁不旺財。加拿芬道交界小食店「餓媽家姐」今年 7 月開業，主打特色港台日系小食，如手工漢堡、日式鰻魚炒腸粉等，以外賣為主。店東鍾先生指，開業數月只及預計生意額約六成，惟約 300 呎舖位月租達 7 萬多元，「香港地大半都係咁，根本頭一兩個禮拜都係跑個租金返嚟，加上而家啲食材幾貴」。他認為通關對市道幫助不大，「一半一半，流走咗啲香港客，多返少少外地客，但個比率唔會好高，唔會話排晒隊」。

鍾指「夜繽紛」活動雖有助吸引本地人消費，卻令附近商舖生意減少，「（廟街）夜繽紛嗰兩日呢條街好似死城咁，扯走晒啲客，唔好話尖沙咀，佐敦嗰邊都有影響」。他認為單靠此類活動未能幫助市道，港府宜推出長遠政策助中小企，如店舖租金管制，「試吓 set 啲嘢畀業主唔好 chur 得咁行，大家都有飯開就最開心，而家香港最慘係唔係人人有飯開」。

銅鑼灣舖租回升：畀返啲業主賺吓

中原董事總經理（工商舖）潘志明指，通關後各個旅遊消費區店舖空置率均錄些微下跌。中環的空置率跌幅最大，由去年空置率約一成三，跌至目前約 8%。潘指中環舖仍以高檔名店主導，一般食肆較難負擔此水平的租金；銅鑼灣的空置率則於本年中微升後回落，潘指多區租金水平回復至疫情前約五至七成，如銅鑼灣波斯富街舖位由去年每呎約 80 元回升至約 150 元，部分甚至每呎約 300 元，「通返關業主會企返硬啲，早幾年減咗咁多畀你，而家畀返啲業主賺吓，大家都有生意做」。至於尖沙咀去年同期空置率超過一成，目前微跌至 9.27%；近口岸的民生區域空置率則與去年相約，包括屯門、元朗、荃灣，「銷售金額畀北上消費蠶食咗一部份，無乜見到空置率大幅減低」。

店舖種類方面，餐飲業佔租務成交逾五成，包括手搖飲品店、茶餐廳等。潘指，是次通關可見內地客旅遊模式轉變，由以往「大豪客」轉向文化深度遊，「好多國內人都唔係以買奢侈品為主，落嚟係想搵啲特色食肆，睇完小紅書落嚟排吓隊、打吓卡，『牛奶冰室』、『紅茶』呢啲，好多人慕名而來」。藥妝店亦佔租務成交約兩成，「自由行落嚟香港買護膚品、藥比較多，始終對香港賣正牌貨嘅信心大好多」。

總體而言，潘對明年市況樂觀，「無咗疫情係最大元素，起碼令到市民肯上街消費先」，認為如有大眾受惠的政策，如美國減息降低港人供樓成本，將有助整體消費力度。至於港府推動本地消費成效，潘認為「夜繽紛有搞好過無搞」，「但你去一次都唔會日日去，起碼要製造返香港係一個旅遊城市，對零售行業嘅幫助先大啲」。他建議港府參考全球各地吸引遊客的政策，如免稅、消費券、免費機票等；另一方面，港府可向商戶提供補貼或貸款，「你係咁叫人減價，人哋賺唔到錢都無用，做多啲政策支持商戶，令大家可以喺呢段經濟復甦時期分一杯羹」。