25歲女成年薪百萬旅遊家 原因竟然喺……

翠如BB一夜之間變成億元千金，對於唔係含住金鎖匙出世嘅你同我，都係好大嘅鼓舞，所以話只要有腦有運有力氣，成功唔會難。好似美國嘅Jill DeConti，只得25歲，就決定辭去金融嘅工作，賣埋間屋同所有嘢，上年決定冒險一次，向世界出發。佢一路旅行，一路開拓好多賺錢嘅方法，包括︰產品採購，再網上銷售，直頭有間營銷公司添；又係旅遊博客，短短幾個月已經成千上萬人睇佢嘅blog；又喺Instrgram分享靚相，近5,000粉絲，就已經得到好多公司唔同產品嘅贊助。旅行十個月期間，賺到6位數嘅美金。佢嘅工作一樣要花好多時間，開始果陣，一日都要做足12個鍾，但佢話︰「已經學懂更聰明咁工作，唔係更辛苦，係更有效利用自己嘅時間。」佢又話︰「我唔係特別，我只係一個有夢想嘅女仔，俾咗夢想一個機會。」所以話，大家都可以成為下一個年薪百萬嘅旅遊家！

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

相片來源︰jilldeconti @tumblr

Jill DeConti仲出版咗一本電子書同電子課程，分享旅行經驗，亦教授女士去旅行或開展自己嘅事業。佢話︰「要喺網上賺錢，從來都唔容易，但只要有好大嘅努力同決心，就可以成功。」

其中一個成功因素，係佢睇準高消費嘅一群，專門開發豪華旅行嘅產品、景點、經驗等，佢只係回應話︰「because why not」。

佢話︰「任何人都可以做得我做緊嘅嘢，大家只需要踏出第一步，要對自己充滿信心。」

更多相關文章

跟著女友去旅行 5個矛盾原因

瑞典免費傾偈熱線 隨時識到瑞典妹

空姐爆料：妓女機艙兜客、有人係機位自慰