25歲徐嬌大解放著比堅尼騷S型身材 曾曝光科科A成績表

當年喺周星馳電影《長江7號》反串小男孩出名嘅徐嬌不知不覺已25歲，近年於美國讀書嘅佢不時喺微博曬生活照。近日，徐嬌分享佢去洛杉磯Santa Monica玩嘅靚相，相中嘅佢尤如大解放一樣，穿上淺藍色比基尼於海灘上擺出多個性感pose，包括瞓喺石頭上舉高雙手、拎住玩具泡泡槍側彎腰部等動作。徐嬌嘅影相pose性感誘人，亦令佢嘅纖瘦S型身材一覽無遺。

從照片中睇到，徐嬌完全零贅肉，除咗擁有螞蟻腰仲有馬甲線及蜜桃臀，非常養眼，相信係佢勤於健身嘅成果。一班網民都忍唔住留言大讚：「從來沒看到的風格，嬌寶好像深海的一條美人魚啊，眼妝衣服頭髮身材絕配」、「這身材絕了」、「太美了，迷死我了」、「超級羨慕啊」、「羨慕死了，這個身材好優秀」等等。除咗美照，徐嬌亦早於4月美國藝術中心設計學院（ArtCenter College of Design）電影系學士課程畢業，當時佢曾公開自己最後學期嘅成績表，六科修讀科目全部考獲A級，GPA逾3.958分，成績驕人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！