Anson Lo開騷胃抽筋被抬走 凌晨發文報平安

Anson Lo開騷胃抽筋被抬走 凌晨發文報平安
Anson Lo開騷胃抽筋被抬走 凌晨發文報平安

MIRROR出師未捷身先傷!至7月底紅館以外發生後,12子隨即停工,近日已經復工,可是先有萬人迷姜濤打籃球受傷入院,如今輪到另一成員盧潮霆(Anson Lo)完騷後胃抽筋,搞到要搵醫護抬走,連訪問都做唔到。

Anson Lo凌晨報平安。
Anson Lo凌晨報平安。
Anson Lo被抬離場一刻。
Anson Lo被抬離場一刻。

其後經理人花姐回覆傳媒表示Anson Lo已返回家中休息,約今日(14日)凌晨一時,Anson Lo在社交平台發文向大家報平安:「表演中段胃抽筋,辛苦工作人員在表演完成後在後台照顧我,大家不用擔心我我會好好休息的。」因為Anson Lo不適的事件傳出後,「神徒」都十分擔心Anson Lo的情況,欣宜在訪問時亦有透露Anson Lo全日只吃了「一啖飯」,加上音樂會上體力嚴重透支,才會令Anson Lo出現不適。

而昨晚的亞博拉闊騷完,Anson Lo與欣宜完騷後原定接受在場媒體訪問,半小時後僅見欣宜獨自步出,她為為Anson Lo代言表示:「我老公(AL)頭先喺台上跳得太落力,加上全日只係食咗一啖炒飯。可能佢好耐冇見大家,畀盡一萬分嘅力去表演,依家個胃好唔舒服,所以唔出嚟同大家傾偈,我自己做啦!」

其實Anson Lo與欣宜約2小時的傾力演出絕無冷場,粉絲全程high爆。由於今次演出曾經改期,欣宜演唱新歌《恐懼蠶食心靈》前表示:「真係好峰迴路轉,今日終於可以做到呢個騷,不過就係改咗今日,大家先有新歌聽,今日絕對係吉日!」欣宜更一度感觸淚流滿面!

Anson Lo唱《永順街39號》及《不可愛教主》時,大銀幕發現觀眾席上有好兄弟Edan及Jeremy蹤影,2人更不時high爆站起來跳舞贈興,相當投入。Anson Lo則問台下粉絲說:「你哋係咪好掛住我?你哋唔問番我嘅?我都好掛住你哋呀!」氹得神徒們尖叫連連。

AL與欣宜合唱國語歌《表白》時上演一場辣身舞,將氣氛推向高潮。及後串燒歌環節時,二人再唱《神隊友》後相擁,此時欣宜問Anson Lo:「我想代你啲粉絲問一個問題,點解你從來唔叫我哋做老婆嘅?」搞到AL說:「因為每人只得一個老婆,邊個係你哋自己諗啦,你好多汗,落枱我幫你抹啦!」Encore時欣宜「赤裸」打扮,意識大膽被讚性感搶鏡。

對於代粉絲問「老婆」一事,欣宜事後笑說:「搞吓氣氛啫。(你想AL嗌你做老婆?)咁又唔使,我覺得佢叫我Joyce都好好聽。(滿意今晚演出?)我淨係覺得依家周身骨痛,今次仲跳得多過自己個騷,不過同佢一齊去做騷感覺好正,佢真係出盡力,令我都落力啲。(依家最想做乜?)想食楊州炒飯,因為6月紅館騷後冇食過。(今次反應咁好,想開Part 2?)好呀,唔介意,不過下次要我唱多啲、佢跳多啲,等我冇咁辛苦。(點解中段已經喊成咁?)見到台下嘅燈海,首歌又好感動,加上諗起個騷終於開到,我又自肥成功同老公開騷,好開心同感觸嘛。(當眾辣身舞喎。)綵排嘅時候冇咁貼嘅,起碼有一隻手嘅距離,係佢愈攬愈埋,下次你哋見到佢,就問佢點解啦,但我唔介意嘅,哈哈!」

再問欣宜是否知道Anson Lo日前籃球賽時落淚,她答:「嗰日我綵排緊,冇睇到,但我有同佢短訊,佢提過呢排攰。(你覺得佢今晚有冇包袱?)我冇留意,唔係好負責任嘅拍檔,我淨係顧自己嘅演出,不過佢ok嘅,專業嘛,每個人都會背負工作以外嘅種種問題,但最緊要係我哋上台咁收拾心情,the show must go on,佢一定做到嘅,佢今晚表現正到爆!」

尋晚個騷圓滿結束!
尋晚個騷圓滿結束!
欣宜一時感觸喊晒!
欣宜一時感觸喊晒!
Anson Lo當欣宜係老婆?
Anson Lo當欣宜係老婆?
表演時冇乜嘢!
表演時冇乜嘢!
好妖添!
好妖添!
拖手仔。
拖手仔。
欣宜爆Anson Lo只食過一啖飯。
欣宜爆Anson Lo只食過一啖飯。
欣宜都好落力!
欣宜都好落力!
勁歌熱舞。
勁歌熱舞。
Anson Lo跳到趴喺度。
Anson Lo跳到趴喺度。