G.E.M.與男友Mark被力數「9宗罪」指貪小便宜又刻薄員工?

·3 分鐘文章
G.E.M.與男友Mark被力數「9宗罪」指貪小便宜又刻薄員工?
G.E.M.與男友Mark被力數「9宗罪」指貪小便宜又刻薄員工?

現年29歲嘅鄧紫棋(G.E.M.)出道12年,早前憑《我是歌手2》喺內地人氣爆燈,不過人紅自然是非多,間唔中都有佢嘅負面新聞出,例如被指囂張、耍大牌及恃紅生驕等等,甚至有內地傳媒指G.E.M.登上「最討厭藝人」嘅嫌疑人物。去到今日,有讀者向傳媒爆料指G.E.M.與造型師男友Mark用盡奇怪招數去貪小便宜及刻薄員工,力數佢「9宗罪」!

第一:公司冇受疫情影響仲賺過千萬,G.E.M.和Mark都話會出花紅俾員工,但之後佢哋突然改口,除咗唔出花紅,仲要刻扣員工三成人工,兼逼佢哋放無薪假。

第二:員工喺星期六、日及過時過節跟G.E.M.返大陸登台出活動,本應員工可以申請補假,但當佢哋申請時,G.E.M.唔肯補假之外,仲竟然話佢哋做得呢一行就預咗紅日冇假放。

第三:G.E.M被指性格惡死囂張,成日耍大牌兼「問候」同事,仲命令同事喺各個頒獎禮中要求主辦方打尖綵排及要壓軸出場。

第四:除咗上面「問候」同事之外,G.E.M.亦被指愛用粗口鬧阿媽,爆料人話鄧媽媽有次買咗隻名錶俾自己,G.E.M.知道後喺外人面前勁爆粗口鬧阿媽。

第五:G.E.M.與男友到外國參加時裝騷時,品牌通常都會預膳食費俾佢哋,但佢哋食到盡咁揀米芝蓮餐廳,每餐都要過萬蚊港紙,最後搞到品牌公司嘅公關要向公司交代。

第六:客戶透過公關公司邀請G.E.M.表演,但Mark為咗慳公關公司佣金,竟然繞過公關公司直接搵該客戶傾,咁就可以賺多喇!

第七:G.E.M.和Mark好鍾意貪小便宜,成日叫名牌贊助禮物,但又唔會出PO多謝品牌,仲試過有一次品牌送俾同事嘅禮物都放喺G.E.M.屋企。

第八:G.E.M.覺得自己個名氣帶挈咗髮型師及化妝師,於是就削減髮型及化妝嘅費用。

第九:G.E.M.連fans都鬧,有次粉絲問佢攞簽名,不過唔小心滴咗一滴墨去佢個名牌袋,點知佢即刻鬧爆粉絲,仲要粉絲夾錢賠返個新袋俾佢。

鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)與造型師男友Mark
鄧紫棋(G.E.M.)
鄧紫棋(G.E.M.)
鄧紫棋(G.E.M.)
鄧紫棋(G.E.M.)
鄧紫棋(G.E.M.)
鄧紫棋(G.E.M.)
鄧紫棋(G.E.M.)
鄧紫棋(G.E.M.)

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!