JW等開續集 再同朱敏瀚談情

JW歌視雙線發展勁風騷。
JW歌視雙線發展勁風騷。

歌手JW(王灝兒)昨日到電台宣傳新歌《FF》,她說:「啱啱拍埋MV,因為我鍾意做戲,所以MV我畀自己有多啲角色,有神婆、特務同小丑,好好玩。」她笑言演戲演上癮,對於有份參演的無綫劇《痞子殿下》跨平台直播收視最高達22.8點,成為三線劇收視之冠,她非常高興,並說:「我哋真係拍得好辛苦,就係希望大家鍾意,近排出街啲人會叫我做小妹,好開心!(會拍等2輯?)聽聞會開拍,其實拍緊嗰陣已經話想拍第2輯。(繼續同朱敏瀚發展感情線?)冇所謂,同周嘉洛、陳瀅都得,總之係我哋4個就得。」