KOL張欣欣男友西環被斬傷 九頭身靚女曾被稱「翻版心悠」

喺噚晚（15日）西灣發生斬人事件，當姓黃嘅31歲男子途經至山道花園對開時，有一輛私家車駛至並跳出4名持刀大漢，向該名男子狂斬，事後逃去無蹤。姓黃男子則受傷倒地，由救護車送院治理，據悉傷者就係網紅張欣欣（Yan Yan）嘅企業家男友Alexander Wong。

九頭身靚女張欣欣，除咗樣貌標緻之外，更擁有一雙40寸超長美腿，過去曾被媒體稱為「翻版心悠」。身兼Foodie及化妝KOL嘅佢深受網民喜愛，IG粉絲人數超過12萬。早前佢曾被KOL Sean Lee指控被包養，而佢就聯同妹妹張芊芊即時喺IG貼出聲明及律師信澄清，同時公開男朋友身份。張欣欣同男朋友Alexandet拍拖超過2年，二人外型相當合襯，不時周遊列國及四處拍拖，去到上年9月更疑似被求婚，感情非常穩定。另外，張欣欣曾表示自己鍾意各種運動，尤其係跑步；同時佢亦愛下廚，整甜品相當拿手。由於佢鐘意食日本嘢嘅關係，所以希望將來可以開設日本餐廳。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！