MIRROR演唱會意外193無辜受牽連 被網民私訊辱罵掀罵戰

ERROR成員郭嘉駿(193)
ERROR成員郭嘉駿(193)

男團MIRROR第4場紅館演唱會,其中一部大型屏幕突然掉下,壓傷兩名舞蹈員,意外事故引起全城關注。意外發生至今已經兩個星期,鏡仔們已經陸續出PO保平安,不過至今ViuTV、MakerVille及演唱會舉辦方等相關人士都未有作出交代及處理方案。唔少網民亦就事件喺網上持續討論及高度關注,甚至有網民私訊辱罵ViuTV旗下男團ERROR成員郭嘉駿193。

喺噚日,有網民喺Facebook專頁「我老細怕咗呢班煩膠導致精神分裂關注組」上載與193嘅私訊對話截圖,對話內容中不斷辱罵193,例如「廢柴,你唔係好敢言嘅咩,做咩唔出黎話下你公司啊...唔敢啊,抵你咁乞人憎」、「你知唔知你唱歌好難聽」及「岩啊,你想講自然會講,問題你唔夠膽講」等等,呢位網民更加同時話埋MIRROR及ERROR成員:「同12舊垃圾一樣咁X難聽都夠膽死出歌手,同埋你個三個唐氏兄弟退出返番去垃圾桶啦」。

而一向敢言嘅193面對該名網民嘅辱罵,亦忍唔住作出回覆,例如「你係咪精神有問題」、「你覺得我係時事評論員?」、「我咩都要評論嘅咩?」、「我鍾意講乜就講乜㗎啦」、「使唔使你批准啊」、「如果冇咗鍵盤,我諗你連垃圾都不如」及「呢一刻如果我block咗你,你連做狗嘅機會都冇」等等。之後,該網民話佢會post去俾傳媒,封鎖咗該網民嘅193就挑釁佢話「快啲post」、「唔post正垃圾」、「Post完記住send番條link俾我」及「究竟post咗未 你呢啲鍵盤戰士理應打字好快㗎」

對話截圖流出後,唔少網民都議論紛紛,有網民認為佢哋兩位嘅行為好幼稚,有人支持193,留言話:「193真係好鐘意X狗」、「33真係好型」、「以事論事,今次193無問題喎,pm條友白卡先撩者賤攞嚟X」及「193X得好wo」 等等。同時亦有人支持呢位網民,留言話「佢而家應該標哂冷汗震過貓王」、「佢咁得閒秒回一定冇工開定啦」、「絕對支持!呢條友討厭到極點!」、「193敢言技能(僅針對網民同TVB)」、「冇工開太得閒?」及「成隻小學雞咁 人地話佢一句就Hi返人地咁多句 Eq有無咁低」等等。

193與網民對話
193與網民對話
193與網民對話
193與網民對話
193與網民對話
193與網民對話
193與網民對話
193與網民對話
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)
ERROR成員郭嘉駿(193)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!