吳業坤變台慶棋子 咁其他巨聲幫近況呢？

早前無綫台慶，所有嘅目光都注視喺王祖藍向李亞男求婚嘅時候，有心嘅網民反而留意，其中一隻係遠處正在默默娛樂著觀眾的『棋子』，而此棋子正是吳業坤(坤哥)。唔少網民都覺得佢好慘，但坤哥仍然好敬業樂業，《東張西望》訪問佢感受時，佢仲話可以俾志偉哥同叻哥擺佈好開心。《超級巨聲》出身嘅坤哥都算多人認識，依家都淪落成為台慶棋子，咁其他巨聲幫嘅近況同前景真係好令人擔心呀！今日小編就同大家睇下一啲巨聲幫嘅近況啦！

許廷鏗
喺參加《超級巨聲》時有“將軍澳吳尊”之稱，雖然佢喺第一屆無贏到冠軍，但係唱功越來越了得嘅佢，喺各大頒獎典禮都得到唔錯嘅成績。近排仲成為《超級巨星4》的甄選評判，成績都可以話係最好嗰個。

林欣彤
《超級巨星2》嘅冠軍林欣彤，唱功得到大眾認同，出過幾張專輯。頒獎禮上都有攞過唔少獎項。但係你最記得佢應該係佢同羅孝勇嘅緋聞。

胡鴻鈞
《超級巨星2》嘅亞軍，當時已經成日攞全場最高分，有高分王之稱。出道後，唔少歌曲都深受樂迷歡迎，好似上年劇集《師父。明白了》插曲，佢就翻唱咗《化蝶》，呢首歌仲拎咗上年勁歌金曲頒獎典禮嘅勁歌金曲獎第二位。不過，大家最留意都係佢由方面變V煞面嘅過程，仲戲稱佢係「削骨還父」。最近佢仲喺新劇《衝線》首次飾演見習會計師，初嘗拍劇嘅滋味。

周志康 周志文
細孖周志康同阿哥周志文嘅感情生活都俾事業發展好，喺10同11年都有試過做男配角，但可能表現麻麻，之後都無咩劇拍。喺今個月細孖仲承認咗喺年中同拍拖7年嘅圈外女友拉埋天窗，真係恭喜晒呀。

馮允謙
《超級巨星3》嘅亞軍。長期於加拿大生活嘅佢，有啲鬼仔性格，加上唱功了得，吸引咗唔少年輕粉絲。第一張專輯已經得到格林美得獎作家Josh Kear幫佢作歌，喺9月，佢仲出咗第3張個人大碟，11月更首次踏上劇場台板，參演音樂劇場，星途無可限量。但佢同期嘅冠軍廖仲謙而家就唔知去咗邊。

仲有好多你見到樣都未必認得嘅巨聲幫，例如，陳國峰丶陳康健丶謝東閔丶譚嘉儀等等。